Tuesday, April 16, 2024
spot_img

LS election-o rake kam ka·anian chu·sokani rama ong·gen: Ampareen

Date:

Share post:

spot_img
spot_img

SHILLONG: Ia bilsini gisepo ong·atna sienggipa Lok Sabha election-o Shillong Parliamentary constituency-ni candidate Ampareen Lyngdoh-na National People’s Party (NPP)-ni gita manifesto miksonganirangko manderangna mesokna tarisoengon, ua an·tangde rakbate kam ka·ani, Shillong Parliamentary constituency-ni ning·o donggipa dam 36 Assembly constituency-rangona wenani aro songadam nokdamrango songdongenggipa manderangni neng·nikanirangko am·sandie namatna kam ka·anian ia election-o una chu·sokani rama ong·gen ine parakatskaaha.

Ia Lok Sabha election-o ua maikai an·tang baksa susaenggipa gipin candidate-rangko chena ka·dongenga ine sing·anina aganchakaniko on·angengon, “Ia election-o susaenggipa candidate-rang skia pora donggiparang ong·gen ine anga ma·sia aro batanggimin election-rango susagipa candidate-rangba bang·batan skia pora donggiparang ong·a. Ia gital chasongni somoio jaksiko sikdeparian a·songo mai ong·enga uko ma·sina man·a indiba anga an·tangde iarangoni dingtangskaa,” ine Lyngdoh aganaha.

Lyngdoh-ni aganani gitade, ua saksa kam ka·na gisik nanggipa mande ong·e manderang pilakan uko je biapoba nikrongaia aro ian ia election-oba uni kam ka·ani bewal ong·enga.

“Anga chel·gipa biaprangoni an·tangni manderang baksa agangrikrongja aro pangnan anga uamangni sambaosa ong·na namnikbata. Anga sorkarini bak ong·genchimoba Delhi-onisan MP ong·e kamko ka·na man·aia indake ong·ja. MP ong·e dakna nanggni kamde a·dok sorkarina ku·pattie on·anirangba ong·a,” ine NPP candidate aganaha.

A·dokni manderangna ku·rachakna sienggipa manifesto-ko NPP tarienga aro iako ua an·tangba senge dongenga ine janapatengon, “Angni campaign ka·aniko a·bachengate aro NPP-ni manifesto-na senge dongengon, anga an·tangba batanggimin jarango angni gronggimin manderangna an·tangni gita u·iatna nanganirang dongkuenga,” ine Lyngdoh parakataha.

Batanggimin jasani gisepon ua km 1000-mangni gitade campaign-ko ka·manaha ine parakatengon, “Bang·bata somoion MP-rangkode chel·ao dongesa kamko ka·aia ine chanchichipronga aro ia chanchisretaniko anga chel·atna nangnikenga,” ine Lyngdoh aganaha.

spot_img
spot_img

Related articles

Arunachal: First batch of polling teams airlifted to remote areas

Itanagar, April 16: The first batch of over 40 election officials accompanied by security personnel were airlifted to...

US lawmaker raises alarm over spike in attacks on Hinduism

Washington, April 16: An Indian-descent lawmaker has raised alarm over a “substantial increase” in attacks on Hinduism and...

Japanese lower house okays bill to introduce joint custody after divorce

Tokyo, April 16:  Japan's House of Representatives on Tuesday passed a bill to introduce joint custody after divorce. At...

BJP manifesto won’t succeed in TN, INDIA bloc aim is to win all seats, says Vaiko

Chennai, April 16: MDMK founder Vaiko is considered a great orator and a strong voice for Tamil nationalism...