Thursday, April 25, 2024
spot_img

Ma·mong sorkarini scheme-rangko songni manderang man·jaenga ine BJP matnanga

Date:

Share post:

spot_img
spot_img

SHILLONG: Kangal cholgrirangna ma·mong sorkarini ra·gate on·enggipa dingtang dingtang scheme-rangko diltugipa songadam nokadamrango donggipa manderang man·tokjaenga ine BJP, NPP-ko matnangataha.

“Songadam nokadamrango donggipa manderang pilak namgnirangko man·china gitasa BJP-chi dilenggipa ma·mong sorkari, dingtang dingtang scheme-rangko ra·gate on·ahachim indiba MDA sorkariko dilenggipa NPP, ia scheme-rangko nirok sandina gisiko nangjaengani a·sel ia scheme-rang, BPL nokdangrangona sokangjaenga,” ine Tura-ni MDC aro BJP Meghalaya-ni state vice president Bernard N Marak parakataha.

Maini gimin manderang, BJP-ko seokgen ine sing·anina aganchakaniko on·angskaengon, “Sawa namgnirangko on·enga, ia pilakkon manderang ma·sitoka. Modi sorkarini on·enggipa merong, Saubhagya-ni ning·o on·enggipa bijoli, PMAY-ni ning·o on·enggipa nokrang, PMGSY ramarang, Ujjwala-ni ning·o indin on·enggipa LPG, BJP sorkarini on·enggipa sanna banani cholrang, ia pilakkon manderang ma·sitokaha,” ine Marak aganaha.

Meghalaya a·dokni diltubatsranggipa songrangode manderang ia pilak namgnirangko man·tokjaenga ine matnangatengon, “Ia sal somoirango chinga dingtang dingtang songrangona wenenga aro anga A·chikrangni songdongchakenggipa a·bri jolrangona wenenga. Ia pilak biaprangon manderang, BJP-ko ra·chaktokaha,” ine Marak parakataha.

Kangal cholgrirangni janggi tanganiko namdapatanian BJP sorkarini nangnikani ong·a ine janapatengon, Prime Minister Narendra Modi-ni ra·gate on·enggipa scheme-rangchi kangal cholgrirangna pilak nanganirangko on·na jotton ka·enga ine BJP-ni state vice president aganaha.

Ia election-o manderang, BJP-kon seokgen ine janapatskaengon, “Dingtang dingtang songrango bang·bea manderang BJP-o napna sienga aro BJP dolara onbatsranggipa gadangni dolan ong·ani gimin da·o bang·bata manderangan BJP-o bakrimna re·batokengaha. Chinga a·dokni diltubatsranggipa songrangonan sokangengaha,” ine Marak aganaha.

Lok Sabha election-o susana sienggipa BJP candidate-rangko parakani bidingo sing·on, “Candidate-rangko seokanide chingni dilgiparangni jakosa maina chingade kamrangko ka·e on·giparangsan ong·aia. Dilgiparangni seokaniko chinga sengkuenga aro haida ia jani gisepon ba mikkang jani skanggipa bakon chingni dilgiparang, candidate-rangko paraknaba dongaha. Indiba chinga kamrangko ka·soengaha,” ine Tura-ni BJP MDC parakataha.

spot_img
spot_img

Related articles

Second phase polls in 5 Lok Sabha seats of Assam on Friday

Guwahati, April 25 /--/ The second phase of parliamentary elections in five seats of Assam on Friday is...

‘Malaria during pregnancy increases neurological risks for babies’

Shillong, April 25: Malaria during pregnancy poses significant risks to the brain development of babies, experts said on...

Neha Kakkar grooves with ‘Gulabi Sadi’ hitmaker Sanju Rathod on ‘Superstar Singer 3’

Shillong, April 25: Singer-songwriter Sanju Rathod, acclaimed for his viral hit Marathi song 'Gulabi Sadi', is poised to...

Hackers attacked Indian firms on average 2,444 times per week in last 6 months: Report

Shillong, April 25: Hackers have attacked Indian organisations on average 2,444 times per week in the last six...