SHILLONG: Shillong-Dawki ramako tariani gittamgipa package-o chagrongna nangenggipa neng·nikanirangko namatanio cholrangko nina gita a·dok sorkari, anti gittam somoiko bi·dapaha.
Iani bidingo kachario hearing-ko dakengon, ia 2024 bilsini February 12 tariko affidavit-ko ka·e, ia project-ni mingbonga package-rangni giminan talataniko on·aha aro neng·nikaniko man·batenggipa bakara gittamgipa bakan ong·a ine janapataha.
Pynursla Bypass-ko tarianianio neng·nikanirangko chagrongna nanganiara, jolo songdongenggipa manderangni jegalani a·selan ong·enga ineba affidavit-o janapaha.
Ia affidavit-o janapani gitade, Pynursla Bypass-ko tariani da·o bon·kamgipa bako ong·enga aro package-III-ni kamnaba DPR-ko tariengahachim.
Indake ong·engon, Shillong-Dawki ramako tariani gittamgipa package-o chagrongna nangenggipa neng·nikanirangko namatanio cholrangko nina gita anti gittam somoiko bi·dapaha aro Additional Advocate General-ni mol·molahani gimin da·o iani gimin February-ni 26 tariko hearing-ko dakangskagnok.
