TURA: North Garo Hills a·jani Kharkutta C&RD Block ning·o mande jelbra jelsuani batengahani a·sel block-ni kamrangko ka·anio neng·nikanirangko chagrongna nangengaha ine A·chik Conscious Holistically Integrated Krima (ACHIK) parakatenba, Kharkutta Block ning·o songdongenggipa manderangni namgnina ia block-ko Civil Sub-Division songchina a·dok sorkariko didiataha.
Iani bidingo a·dokni Chief Minister Conrad K Sangma-na sedoatengon, Kharkutta Block ning·o donggipa dingtang dingtang songrango manderangni jelbra jelsuanirang bilsiantian batroroengahaoba pilakni gitan namroro silroroanirang dongjaenga aro maming cholrangko man·jaenga ine ACHIK dolni co-chairman Ro’rok R Marak parakataha.
“Kharkutta block-o manderangni jelbra jelsuani batrorobaengani gimin cholrangkoba bang·bate on·na nangengahachim indiba Kharkutta block-ni ning·o pilakni gitan namroro silroroanirang dongjaengani a·sel aro maming cholrangko man·jaengani a·sel ia block ning·o songdongenggipa dingtang dingtang jatrang tang·dopana man·jaenga,” ine ACHIK dolni co-chairman parakataha.
 |
ReplyForward
|