SHILLONG: A·doko chang 500-na baten rama a·sel ong·e sianirang bat-roroanirangna mikrakatani gita maiko agana man·gen.
Sorkarini report gita 2021 bilsio 150-na baten rama a·sel ong·aha. 2022 bilsioba apsandaken chang 147 rama a·selrang ong·angaha.
Maibakai, 2023 bilsio sak 188 rama a·sel ong·e siani tang·doangaha.
Ia bilsini February 13-ona kingking a·doko sak 24 rama a·sel ong·aha.
Boko MeCL-ni engineer rama a·sel ong·e sia
U·IATTIMGIPAONI
Boko: Mini Sukrobar walo Boko Singra Reserve Forest a·jolo wal 10 bajimango gari ramao a·sel ong·aha. Ua a·sel Honda WRV (ML 08 F 0821 gari Guwahati-oni Meghalaya Tura-ona re·-angmitingo ramao neng·-take dongenggipa AS 01 AA 9770 trak gario sugakea gita a·sel ong·aha.
Ua a·sel ong·ao Chon-me Sangma bilsi 55 bil-ongen saknaako man·aha aro uni segipa Henry Sang-ma bilsi 55 adita saknaako man·aha. Saknaa man·gipa jiksesako Boko Police Boko Primary Centre-ona ra·ang-ahachim indiba uamangko nambate sana bana gita Guwahati Medical College Hospital-ona ra·jitangaha.
Chonme Sangma, Me-ghalaya Power Corporation Limited-ni engineer ong·a aro uni segipa Henry Changma-ba Meghalaya Urban Development Department-ni engineer ong·a.
Chonme Sangma, Guwa-hati Lokhra-ni Critical Care Hospital-o pring 3:45 bajimango siangaha.
Boko Police ua a·selko sandienga aro trak gari Guwahati-oni Bokona cement salbaengachim indiba gari nosto ong·-change neng·takna nang-aha ine trak gariko salgipa aganaha.
