Thursday, April 18, 2024
spot_img

Garo Hills-o bobil dake chakataniko ra·chakna man·taijawaha ine Rakkam a·kanga

Date:

Share post:

spot_img
spot_img

SHILLONG: Meghalaya a·doko aro mongsongbate Garo Hills-o ru·utbea bilsirangna bang·en neng·nikanirangko aro duk mikchirangko manderang chakna nangtokahani gimin da·o manderang bobil dake chakataniko ra·chakna man·taijawaha ine a·dokni Cabinet Minister aro Rongara-Siju constituency-ni MLA Rakkam A Sangma parakataha.

Garo Hills-o Garo National Liberation Army (GNLA) bobil dolko bikottaina jotton ka·enga ine social media-rango jangbingbangenggipa kattarangna ua iako aganaha.

GNLA bobil dolko bikottaina jotton ka·enga inaniara tol·e jangbingbangatenggipa kattarangsan ong·engnaba gnang ine janapatengon, “Garo Hills-o bobil dolrangni bilake kamrangko ka·engmiting somoirango manderang namen neng·nikanirangko aro duk mikchirangko chakna nangtokaha aro chinga mikrontangchin mande so·otanirangko nikna man·aha. Indake ong·genchimoba, batanggimin bilsi 10-ni gisepo Garo Hills-ona tom·tomani sokbapilaha aro ia tom·tomaniko Garo Hills-ni manderang darangba gimaatna sikjawaha,” ine Sangma aganaha.

Garo Hills-o GNLA bobil dolko bikottaina jotton ka·enga ine social media-rango jangbingbangenggipa kattarangni gimin janapatengon, Garo Hills-o bobil dolko bikottaianiara altua ong·jawaha maina Garo Hills-ni manderang uamangna bakrimaniko on·jawaha ine Cabinet Minister parakataha.

GNLA bobil dolko bikottaina jotton ka·enga ingipa kattara ong·ama ong·ja uko police-rang name am·sandienga ineba Sangma aganaha.

“Iani bidingo police-rang am·sandienga aro bakan an·ching kakketko ma·sina man·aigen,” ine ua aganaha.

Education Minister-ni aganani gitade, kamrangko man·na neng·aniara chadamberangna namen dongtogijaniko ong·ata indiba silchidarerangko keanichide maming namgnirangko ra·bana man·jawa aro batesa chadamberang, an·tangtangni janggiko nisie gala gita ong·aiachim.

Kamgri ong·e dongenggipa chadamberang, bading chiwalanirangkoba dake cha·na man·a aro skie pora donggiparangde skigipa, engineer, doctor aro uandakgipa kamrangkoba ka·na cholrangko man·aia ine Sangma aganaha.

Chadamberangni namgninan sorkari, CM Elevate, YESS Program, Skilled Meghalaya aro uandakgipa dingtang dingtang program-rangko ra·gate on·aha ineba Education Minister parakataha.

spot_img
spot_img

Related articles

Elaborate security arrangements in place for LS polls tomorrow

SIX KILLINGS IN STATE SINCE ANNOUNCEMENT OF POLLS By Our Reporter SHILLONG, April 17: Elaborate security arrangements have been made...

Now, ex-KHADC MDC files FIR against Ardent

By Our Reporter SHILLONG, April 17: Two days after Voice of the People Party (VPP) chief Ardent Miller Basaiawmoit...

High-voltage campaigning concludes

By Our Reporter SHILLONG, April 17: Intense campaigning for the two Lok Sabha constituencies – Shillong and Tura –...

Charred remains of 3 Assam residents discovered in EGH

From Our Correspondent Williamnagar, April 17: In an incident that has sent shockwaves across both Meghalaya and Assam, the...