BAGHMARA: Re·anggipa Sombar salo, South Garo Hills a·jani Badri Rongdong songo rikgipa Chitmang Chaiwat Multi Purpose Water Reservoir (RIDF – XXVI NABARD)-ko a·dokni Chief Minister Conrad K Sangma kulie on·angaha aro ia water reservoir-ko oprake on·anganio, a·dokni Education Minister Rakkam A Sangma, Soil & Water Conservation Minister Marcuise N Marak aro dingtang dingtang department-ni official-rangba dongpae bak ra·angtokaha.
Ia water reservoir-ko kulie on·anganio a·dokni Chief Minister, jinmana aganprakangengon, ia project-ko nambee chu·sokatahani gimin Soil & Water Conservation Minister, Department-ni Director aro officer-rangko mittelpilangaha.
March-ni 4 tarikara, PA Sangma sagini siani sal ong·ani gimin ia Water Reservoir Park-ko PA Sangma-ni bimingchi mingchina gita Marcuise N Marak-ni ku·pattianiko ra·chakenga ineba Chief Minister parakataha.
Ia Water Reservoir Park-ko bi·sarangni park dakna aro ia biapo cha·ani aro dongchakanirangko tarie tourist spot dakchina gitaba Chief Minister ku·pattiangaha.
Manderangna chirangko on·na man·na gita mikkangchi iandakgipa project-rangko a·dokni dingtang dingtang biaprango kulie on·angkugen ineba Chief Minister parakataha.
