SHILLONG: Meghalaya a·dokni Lok Sabha seat damgnina dingtang dingtang dolrangni gisepo susagrikanirang bilakbatrorobaengon, Shillong parliamentary seat-o Trinamool Congress (TMC) aro United Democratic Party (UDP)-ni mitam manderangde National People’s Party (NPP)-ni candidate Ampareen Lyngdoh-na chakpaanirangko on·skaenga ine koborko man·soaha.
Iani bidingo TMC Nongthymmai block committee, NPP-ni candidate-na chakenga ine ku·rachakahaoba UDP-de iako jegalatskaaha.
Kobor on·timgiparangni u·iatani gitade, adita salrangna skang, Nongthymmai Block TMC-ni tom·aniko ong·atanio Ampareen Lyngdoh baksana NPP-ni gipin sakgni dilgiparangba dongpae bak ra·angahachim.
“Shillong Lok Sabha seat-o TMC-ni candidate dongja aro NPP dolmangmangsan chingni bakrimaniko bi·ahani gimin chinga NPP-ni candidate-na chakpaaniko on·enga,” ine TMC Nongthymmai Block Committee-ni dilgipa Bawan Khyriem aganaha.
NPP-ni candidate-na chakanio TMC-ni state president Charles Pyngrope-ba maming jak dongja aro ian Nongthymmai Block-ni gita chakpaanisan ong·aia ineba Khyriem parakataha.
“Shillong constituency-o TMC-ni candidate dongjani giminsa chinga Khasi-Jaintia Hills-ni namgnina NPP-ni candidate Ampareen Lyngdoh baksa bakrimna tik ka·aha,” ineba ua aganaha.
Adita jarangna chanchichengani ja·mansa TMC Nongthymmai Block, NPP-ni candidate-na chakpaaniko on·na tik ka·aha ine janapatengon, adita salrangna skang TMC Nongthymmai Block Committee-ni tom·aniko ong·atanio Lyngdoh an·tangan re·bae, committee-ni bakrimaniko bi·eaha ine Khyriem parakataha.
Ri Bhoi a·jani Marmain jolo donggipa resort-o Nongpoh UDP-ni dilgiparang, NPP-ni candidate Ampareen Lyngdoh baksa tom·e agangrikaha ine agananiko UDP-ni saksa dilgipa jegalatskaaha.
Shillong-o TMC aro UDP-ni mitam manderang, NPP candidate-na chakenga
Date:
Share post:
1