SHILLONG: Turao India bloc-ni bakrimgipa Congress-ni kosako re·enba an·tangtangni candidate-ko susaatengon, Trinamool Congress (TMC), Shillong-ode party-ni gita darangkoba susaatjaenga.
TMC Meghalaya President, Charles Pyngrope Sombaro parakata je Shillong seat-o darangkoba susaatjana gita party tik ka·aha, jeon re·anggipa Assembly election-o vote sualanirangko nikenba gisiko skani dongjaha.
Shillongo, Congress candidate Vincent Pala, ia changoba seokattaiako am·engon, TMC, Congress-kode ga·pake galna chanchiaha aro kobor man·ani gitade NPP candidate Ampareen Lyngdoh-nan chaksrangna gita miksongenga.
TMC Nongthymmai block-de NPP candidate-na chakpana am·engani gimin sing·on, uamangni kosako mamingkoba dakna bil dongja, uamangni ska ine Pyngrope aganaha.
