SHILLONG: Meghalaya a·dokni damgni parliamentary constituency-rangoba Lok Sabha election-ko April jani 19 tariko ong·atna siengon, Election Commission-ni dongimin niamo pangchake, sorkari aro ramram manderangni biaprango dingtang dingtang political dolrangni kadegipa banner-rang aro poster-rangko Election official-rang ra·galattokaha.
Official-rangni u·iatani gitade, da·o dipet sorkarini biaprangoniko komibeoba king 109 poster-rang aro manderangni biaprangoniko king 248 poster-rangko ra·gale galaha.
Banner-rangkoba sorkarini biaprangoniko king 228 aro manderangni biaprangoniko king 440 ra·gale galaha.
Hoarding ba sign board-rango seanirangkoba sorkarini biaprangoniko ge 43 aro manderangni biaprangoniko ge 58 ra·gale galaha.
Election official-rangni u·iatani gitade, semikmikanirangkoba sorkari dam 323 biaprango, jinmani dam 599 biaprango aro manderangni dam 253 biaprangoniko kimite galna man·aha.
Sorkarini website-rangoniko dingtang dingtang political dilgiparangni photo-rangko ra·galataha ineba official-rang parakataha.
Election-na dongimin niamrangko pe·na man·jana gita Election department, a·dokni pilak Assembly constituency-rangon Flying Squad-rangko donataha aro ia Flying Squad-rang, dingtang dingtang biaprangona re·roroe iandakgipa kamrangko ka·enga.
Election-ni somoio political dolrang aro candidate-rangni koros ka·anirangko nirokna gita dingtangmancha Expenditure Monitoring cell-koba donataha aro sorkarini dingtang dingtang department-rangna Model Code of Conduct (MCC)-ni bidingo u·iataniko on·aha.
Candidate-rangni poster, banner-rangko election official-rang ra·gala
Date:
Share post: