SHILLONG: Meghalaya a·dokni Lok Sabha seat damgnio BJP susagija, NPP-na dakchakanirangko on·skana tik ka·ahani gimin suk ong·jae, BJP Ranikor unit-ni membor-rang, Congress candidate-na chakskana tik ka·angaha.
Shillong aro Tura Lok Sabha constituency damgnion susagija, NPP-ni candidate-rangna dakchakanirangko on·skagen ine adita salrangna skangsan, ma·mongo BJP-ko dilgiparang parakatahachim.
Indake ong·engon, ia Lok Sabha election-o susagija NPP-na chakskana tik ka·angahani gimin BJP Ranikor unit-ni membor-rang, suk ong·gijaniko mesokna gita Congress dolni candidate Vincent H Pala-na chakskana tik ka·angaha.
Sombar salo, BJP Ranikor unit-ni membor-rang, South West Khasi Hills a·jani Mawkyrwat Community Hall-o ong·atanggipa SWKH District Congress Committee-ni tom·anioba dongpae bak ra·angtokaha.