Shillong: Nodal officer of State Police, Income Tax, RBI, SLBC, AAI, BCAS, State Civil Aviation, Enforcement Directorate, Department of Posts, CISF, State Excise, RPF, NCB, DRI, CGST, SCGST, State Transport department, CRPF, Forest department aro BSF baksa video conference-ni gita Bristibar salo Meghalaya-ni Chief Electoral Officer Dr. B.D.R Tiwari, IAS-chi tom·aniko dilaha.
Tom·anio, a·doko Model Code of Conduct ong·engani somoio tangka, chu, drug, indin sualgipa bosturang aro ugita dak-giparangko rim·anio ma·-mong agency-rangoniko, a·dok aro district-rangoniko koborrangko CEO sing·angaha.
Flying Squard-rangko aro Static Surveillance dolrangko biaprango donmanaha ine district-rang u·iataha. Lok Sabha Election 2024-ko name dake ong·atna man·a tangka aro chu-rangko jakkalaniko birokna nirikigiparangko uamang donanggen ine CEO-na ka·donganiko on·aha.
Tom·ani bon·kamo, election-na dingtang dingtang bakrango koros ka·anganiko nirokangna aro rim·anio gimikni gita namdapaniko man·a gisiko nangna aro bakrimaniko on·a jotton ka·na district-rang, a·dok aro ma·mong agency-rangko CEO aro SPNO mol·molangaha.
