SHILLONG: National People’s Party (NPP)-ara ma·mongo BJP-chi dilenggipa NDA sorkarini bak ong·engoba salgro salaram a·dokrango songdongenggipa manderangni nanganirangna ku·rang on·anian party-ni skanggipa daito ong·a ine NPP-ni national president aro Meghalaya a·dokni Chief Minister Conrad K Sangma parakataha.
NPP-ni national president aro Meghalaya a·dokni Chief Minister Conrad K Sangma, re·anggipa Bristibar salonin a·bachenge, Arunachal Pradesh-ni Longding, Leparada aro Dumporjio constituency-rangona wenange NPP-ni candidate-rangna campaign ka·angahachim.
Ia biaprango Conrad, NPP-ni candidate-rangna campaign ka·angengon, NPP dolara NDA-o bakrimgipa dol ong·genchimoba salgro salaram jolo songdongenggipa manderangni aro Tribal-rangni nanganirangna chadenggipa dolsa ong·a ine parakangaha.
Manderang NPP-o ka·dongesa NPP-ni dilgiparangko seokengani gimin pangnan manderangni nanganirangna kamrangko ka·angkuaigen ineba ua aganaha.
Arunachal Pradesh-o namroro silroroaniko nikna man·engani gimin janapangengon, a·dokna namroro silroroaniko ra·bakuna gita gitcham administrative officer-rang aro sorkari officer-rangba NPP-o bakrimaha ine Sangma aganaha.
Arunachal Pradesh Assembly election-o susaenggipa NPP-ni sak 22 candidate-rangko seokchina manderangko didiangengon, manderangni nanganirangko ku·rang on·na aro kam ka·dilna gita namnamgipa candidate-rangkosa nanga aro Arunachal Pradesh a·doko songdongenggipa manderangni pal ku·rangko on·na gita NPP, name nichengesa candidate-rangko seokaha ine NPP-ni national president parakataha.
Meghalaya a·doko namroro silroroaniko ra·bana kam ka·ani bewalrangko janapangskaengon, a·doko manderangni janggi tangani gadangko tang·doatna gita NPP-chi dilenggipa sorkari, game ge·e cha·giparangna, me·chikrangna aro chadamberangna dingtang dingtang program-rangko a·bachengataha ine Sangma parakataha.
Arunachal Pradesh a·dokoba NPP-ni candidate-rang seokako man·genchimode ia apsan ja·kurangko de·e kam ka·anggen ineba ua aganaha.
 |
ReplyForward
|