Tuesday, September 9, 2025
spot_img

‘Masterchef’ Nambie Jessica Marak, NPP-o napanga

Date:

Share post:

spot_imgspot_img

TURA: Re·anggipa 2023 bilsini Masterchef India-8-o bakko ra·e final-ona sokdoanggipa Nambie Jessica Marak, Bristibar salo National People’s Party (NPP)-o napangaha.

Nambie Jessica Marak-ko Bristibar salo, West Khasi Hills a·jani Athiabari songo NPP-ni tom·aniko ong·atanio NPP-ni national president Conrad K Sangma aro gipin dilgiparang, NPP-ona rimchaksoaha.

Nambie Jessica-ni NPP-o napangahani gimin an·tangni kusi ong·aniko parakatengon, “Chadamberangni iandake politics-o napaniko nikna anga namen katchabea maina chadamberangan gital u·ianirangko ra·bana aro manderangni nangnikanirangko ku·rang on·na man·giparang ong·a,” ine NPP-ni national president aro Meghalaya a·dokni Chief Minister Conrad K Sangma parakataha.

NPP-o napangani ja·man Nambie Jessica an·tangba jinmana aganprakatengon, an·tangko party-ona mande ra·bee rimchaksoahani gimin NPP-ni national president aro gipin dilgiparangko mittelpilangenba, an·tangni u·i-ma·sianirangchi party-na aro songtang noktangna kamko ka·angna gita ku·rachakaniko on·angaha.

Ia Lok Sabha election-o NPP-ni candidate-ko seokchina gitaba ua jolo songdongenggipa manderangko didiataha.

West Khasi Hills a·jani Upper Rangsa songoni ong·e Nambie saksa cha·ani tarina changgipa me·chiksan ong·aija indiba niksamsoani donggipa me·chikba ong·achim.

Uni YouTube channel ‘Eat Your Kappa’-o ua dingtangmancha A·chikrangni cha·anikosan ong·aigija salgro salaram jol gimikni cha·anirangkon tarie mesokrongachim.

 

Photo: Masterchef Nambie Jessica Marak-ko NPP-ni national president Conrad K Sangma aro gipin dilgiparang, NPP-ona rimchaksoenga.

spot_imgspot_img

Related articles

Assam: 3 ex-MLAs join Congress; party targets BJP over corruption

Guwahati, Sep 8: In a boost to its preparations for the upcoming Assam Assembly elections, the Congress on...

US media watch: Expert welcomes PM Modi-Trump exchange

Washington, Sep 8: Gordon Chang, a Senior Fellow at Gatestone Institute, has welcomed the lowering of tensions between...

USTM celebrates the 100th Birth Anniversary of Bharat Ratna Dr Bhupen Hazarika

Guwahati, Sept 8: On the occasion of the Birth Anniversary of Dr. Bhupen Hazarika, the legendary “Sudha Kontho”...

RGU Chancellor declares ₹1 crore corpus fund for the Dr. Bhupen Hazarika Centre for Creativity

  GUWAHATI, Sept 8: Shri Bimal Bora, Minister of Cultural Affairs, Government of Assam, today inaugurated the “Sudhakantha Museum”...