Saturday, May 18, 2024
spot_img

Meghalaya-ni dingtang dingtang biaprango salgnina strawberry festival-ko ong·ata

Date:

Share post:

spot_img
spot_img

SHILLONG: Meghalaya a·dokni dingtang dingtang biaprango Sukrobar saloni Meghalaya Strawberry Festival-ko salgnina ong·atao bang·a manderang bak ra·angtokaha, strawberry a·barango dal·roroanganiko aro man·e cha·begipa agro tourism-ni chol-ko on·e maniangaha.
Koborrangko man·soani gitade, iako salgnina manianiko ong·taha, a·dokni nambegipa strawberry-ko dal·begipa ja·kurangko baksa on·kange a·bachengataha.
Ia salgni manianio Meghalaya a·dokni dingtang dingtang bakrangoni bakko ra·angaha, bak ra·anggipa dol ge·antian dingtangtegipa kamrangko ka·angaha.
Biaprangara jekai Sohliya, Umsning, Iewpynsing, Nohron, Kynktieh, Syntung, aro Darechikgre ong·ataha, ia ong·atgipa biapo nina re·bagipa manderang dingtang dingtang kamrango bak ra·angna man·aha jekai, strawberry bite-rangko akangna, cylcing trek-rang, doka damani-rang, cultural programme-rang aro songtango man·gipa churango dingtangmancha workshop-o bak ra·anggiparangko rimchaksoaha.
Namgipa biaprang aro on·kanggipa game ge·e cha·giparang ong·ani a·sel Meghalaya a·doko strawberry-rang dal·roroenga, tourism mikkangchi namgniko ra·bagipa ong·e dal·roroanggen ine Sohliya-o Commissioner aro Tourism department-ni Secretary, Dr. Vijay Kumar D aganaha.
Strawberry Festival dakgipa event-rang, strawberry-ko gama ge·ani baksa tourism-ko bilakatgen, janggi tanganio tang·dona aro badingchiwalna miksongani ong·a, ine Kumar aganaha. Meghalaya a·doko strawberry-ko gama ge·aniko anti bazar-rango namgipa cholrangko man·a ong·ode, re·baenggipa bilaio acre 25-oniko 100 baridapatgen man·a ong·ode 500 acre ong·atgen, ine Kumar aganaha.
“Iako baridapatara manderangni janggi tanganiko namdapatna ka·dongsoenga,” ine ua aganaha.
Festival-ko chu·soke ong·atna dakchakanina Sohliya-ni nokma Ostander Lyngkhoi uni nama skaniko Kumar-na aganangaha.
Salgro salaram a·dokrango strawberry-ko ge·a gama dakanio mingsinga, Ri-Bhoi mijamangmang  bilsi gimiko strawberry-ko tonne 2-oni 3-ona ong·katatna man·aha, ine Lyngkhoi aganaha.
Syntung-o oprakani somoio Agriculture & Farmers’ Welfare department Secretary, Isawanda Laloo, uni nama skaniko songni strawberry-rango bimingko man·atana jotton ka·anina rake kam ka·gipa game ge·e cha·giparang, Sordar aro community-na aganangaha.
Syntung-o chigipa aro togipa strawberr bite-rangko man·a ine ua kan·daike agan-talatangaha, pala simanirang aro game ge·e cha·enggiparangna man·gnirang barikrikengani a·sel a·dokna aro songna strawberr-rangko bang·bate dal·atna nanganio ka·dongsoani ong·engaha ineba janapataha.
Agro-Tourism ian kamrangko ong·katatangna mikkangchina re·ani rama ong·a, Syntung-o game ge·e cha·giparangna aro agri-entrepreneur-rangna cholrangko on·dapangna aro namdapatroroangkuna ua ka·dongsoenga, aro a·dok gimiko strawberr-ko game ge·e cha·anganichi namgnirangko man·anggen.
Department-oni official-rang strawberr-rangko ge·angna training-ko on·anggen ine Nohron-o dingtang programme ong·atgipao Horticulture department Director D Sohtun  u·iataha.
Uamangna ia kamaigipa ong·engaonin game ge·e cha·enggiparangko bang·bate strawberr-rangko ge·angchina ua didiangaha.
Manianio, Oscar Nongrum saksa strawberr ge·gipa, u·iataha, jeon bite-rangko ge·na 2015 bilsioni songo ge·na a·bachengaha, ian songni manderangna janggi tangani cholkoba ong·aha.
Game ge·e cha·giparang chemical samrangko jakkalako simsakna nanga aro iako maming samrang brina grigipa strawberry gama ge·annio dakangna nanga, ine ua agandapangaha.
Strawberry Festival-ko name dake ong·atna man·aha jeon Meghalaya a·dok bang·a bite-rangko ong·katatna man·aha indiba nitodape namroroatna man·gen, ine Darechikgre-o, West Garo Hills-ni Deputy Commissioner Jagdish Chelani aganaha.
“A·jani game ge·e cha·enggiparangna bang·bata damrango mikkangchi cha·anina tariangan baksa strawberry-rangko jakkalangna man·gen,” ine ua aganaha.

spot_img
spot_img

Related articles

India hot investment destination for Western corporate giants: UN report

New Delhi, May 18 (IANS) India has become an alternative investment destination for many Western companies, according to...

Robbers loot Umdihar Presbyterian Church

Nongpoh, May 18: Unidentified robbers armed with iron rods stormed the Umdihar Presbyterian Church in Ri Bhoi district...

INDIA bloc claims ‘acche din’ to start from June 4, will win 46 of 48 LS seats in Maha

Mumbai, May 18: Exuding supreme confidence, the national opposition INDIA bloc partners asserted that ‘achhe din’ promised by...

Over 65,000 pilgrims register for Amarnath Yatra 2024

Srinagar, May 18: Over 65,000 pilgrims have so far registered for this year’s annual Amarnath Yatra. Officials said that...