Friday, May 24, 2024
spot_img

A·doko Lok Sabha election-na campaign ka·ani matchotanga

Date:

Share post:

spot_img
spot_img

TURA: Tura parliamentary constituency-o batanggimin antignina batpilen dingtang dingtang political dolrang bilakbee campaign-rangko ka·angani ja·man election-na campaign ka·ani mijal Budbar attamo matchotangaha aro mijal attamona kingkingan NPP, Congress, TMC aro Independent candidate, dingtang dingtang biaprangona wenroroe campaign ka·angtokaha.
Tura Lok Sabha constituency-o NPP-ni candidate Agatha K Sangma, Congress dolni candidate Saleng A Sangma, TMC-ni candidate Zenith M Sangma aro Independent candidate Labenn Ch Marak susaenga aro uandaken uamang sakbrian mijal Budbar attamni 4:00 bajina skangmangmang an·tangtangni campaign ka·aniko dingtang dingtang biaprango matchotataha.
NPP dolni candidate Agatha K Sangma, NPP-ni pangna dakrongbewal gita an·tangni adagipa aro a·dokni chief minister Conrad K Sangma baksa bon·kamgipa campaign ka·aniko Tura bazar-o dakangaha.
Ia tom·anio NPP-ni candidate Agatha K Sangma, tom·dakgipa manderangna aganprakangengon, ia election-ara Tura constituency-ni manderangna a·dokni aro Delhi-ni namroro silroroaniko ra·bae on·na chol ong·enga ine parakataha.
Batanggimin bilsidokni gisepo uni adagipa aro a·dokni chief minister Conrad K Sangma-ni ka·anggipa kamrangni gimin janapatengon, bilsidokna skang NPP-chi dilenggipa sorkari jako ra·a intalan Tura jillao namroro silroroaniko ra·bana gita tangka paisarangko man·bae on·aha ine Agatha, Tura Bazar-o manderangna aganaha.
Ia tom·anio NPP-ni national president aro a·dokni Chief Minister Conrad Sangma-ba jinmana aganprakangengon, opposition dolrangni Citizenship Amendment Act (CAA)-ni bidingo NPP-ni candidate-ko aro NPP-ko matnangna jotton ka·engani gimin jegalatskaenba, Sixth Schedule a·ja gimikkon CAA-oniko watahani gimin Meghalaya a·dokna ia niamrang maming nangchakeani dongjawaha ine talataniko on·angskaaha.

spot_img
spot_img

Related articles

KHADC not to allow anyone to settle within jurisdiction of Iewduh market.

  Shillong, May 24: The KHADC on Friday decided to disallow anyone to settle within the jurisdiction of Iewduh...

KHADC recognises 24 traditional medicines practitioners

Shillong, May 24: The Khasi Hills Autonomous District Council (KHADC) on Friday recognised another 24 traditional medicine practitioners...

Cutting-edge defence tech can enhance nation’s self-reliance: DRDO chief

Guwahati, May 24: Secretary of the department of defence (research and development) and chairman of Defence Research and...

Living in ‘unsuitable housing’, Indian students face increased hostility and discrimination in Canada

Shillong, May 24: A fresh Canadian government report says that students from India were more likely to live...