Sunday, May 26, 2024
spot_img

Election-ni ja·man M’laya BJP-ni ning·o meligrikgijani ong·kattaia

Date:

Share post:

spot_img
spot_img

SHILLONG: Meghalaya a·doko Lok Sabha election-na pu·onani re·anggipa April 19 tarikon tom·tome matchotangahaoba, Bharatiya Janata Party (BJP)-ni ning·o adita meligrikgijanirangko nikna man·taiskaaha.

Lok Sabha election-o susagija National People’s Party (NPP)-na chakpaaniko on·ahani gimin mitam dilgiparang, a·dokni BJP dilgiparangko matnangattokaha.

BJP state unit-o biming namgijako man·gipa dilgiparang bang·en dongani giminsa ma·mongni BJP dilgiparang, Meghalaya a·dokni Lok Sabha seat damgnio susagija NPP-na chakskana tik ka·angaha ineba mitam dilgiparang matnangtokaha.

Lok Sabha election-o NPP-ni candidate-rangna campaign ka·na gita BJP-ni state president Rikman G Momin-ni didianirangkoba man·jaha ineba uamang aganaha.

Lok Sabha election-ni ja·man hisape nion, BJP baksa bakrimanichi ia election-o NPP-ni candidate-rang, mongsongbate Tura Lok Sabha seat-ni candidate Agatha K Sangma-na cholrang namen komienga ine NPP-ni dilgiparang jajrengsotokskaengachim.

Meghalaya a·doko BJP-ni bakrimaniko bi·jahachim ine janapatengon, iani bidingo manderangko dilsretna jotton ka·aha ine adita salrangna skangsan NPP-ni dilgipa aro a·dokni Cabinet Minister Rakkam A Sangma, opposition dolrangko matnangatahachim.

Indake ong·genchimoba, NPP-ni national president aro a·dokni Chief Minister Conrad K Sangma an·tangan, gipin jat bang·gipa biaprangode Prime Minister Narendra Modi-ni bimingon vote-rangko NPP-na on·china didiskaahachim ine nikna man·a.

Apsan daken BJP dolba Shillong-o tom·anirangko ong·ate, gittamgipa changna Modi-ko Prime Minister ong·atpiltaina gita NPP-na pu·onchina manderangko didiahachim.

Indake ong·engon, BJP-ni chakpaaniko on·anichi NPP amako man·ani cholrang donga ine dingtang dingtang dilgiparangni agananiko BJP Meghalaya-ni ku·wattimgipa Mariahom Kharkrang jegalatskaaha.

“NPP chea ong·ode BJP-ni chakpaanichisa chea ine opposition dolrang agangenma?” ine Kharkrang sing·doataha.

Meghalaya BJP-o biming namgijako man·gipa dilgiparang donga ine matnanganikoba ua jegalataha.

“Badiaba case-rangode charge-sheet ka·a man·gipa opposition dolni dilgiparangba Assembly election-rango chegiparang donga,” ine Kharkrang aganaha.

Meghalaya a·doko BJP-ni vote-rangan election-ni result-o mongsonggipa bak ong·gen ineba ua aganaha.

spot_img
spot_img

Related articles

Synced brains: Why being constantly tuned in to your child’s every need isn’t always ideal

It’s crucial for healthy child development that children can form secure attachment bonds with their parents. Decades of...

Germaine Acogny — the mother of African dance

By Lliane Loots Africa’s most celebrated dancer and choreographer, Germaine Acogny, turns 80 on 28 May. I have had...

Vote chanani somoio Section 144 CrPC-ko Congress jegala

SHILLONG: June 4 tariko, Lok Sabha election-ni vote-rangko chane parakatani salo Section 144 CrPC-ko district administration-ni ra·gatataniara namjabataona...

M’laya must brace for severe weather

 IMD’s red warning; extremely heavy rainfall likely Umiam logs third highest temperature for May By Our Reporter SHILLONG, May...