Thursday, May 23, 2024
spot_img

Shillong Smart City-ni project-rang mingsaba be·en pilna man·kuja

Date:

Share post:

spot_img
spot_img

SHILLONG: Shillong Smart City project-ni ning·o bang·bata project-rangkon chu·sokanirangko nikna gita man·kujaenga jerang-kon bilsisamangna skan-gan a·bachengatahachim.
Songjinmao Integrated Command aro Control Centre (ICCC)  project aro ga·sugipa rama-sorok-rangko tarianirang gamgipa kakwa gita ku·siksan gamai-enga maina ua project matchotna namen chel·-enga.
New Shillong Town-chip-o Integrated Com-mand aro Control Centre (ICCC) aro Smart Elements project-ko ia bilsini March jaon matchotgen ka·dong-soengachim. Indiba April jaan bon·angpilengaha project-ko matchotatna kam ka·anirango nikjaenga.
Project-ni ning·o song-jinmani bang·a biaprangon surveillance camera-ko patani ong·achim indiba da·alona kingking songjin-mani badiaba biaprangosan ge·sa ge·gniko patkapako nikenga, jeon CCTV camera-rangko patkapani kamrangko matchotatna sal dona gita chu·sokjani ja·mano patkapenga.
Project-na gong 212.82 tangka-paisarangko hisap-aha aro changsao biapo ua kam ong·ahaode Shillong-o pilak garirangko nirikkiani ning·o ong·gen maina Integrated Command aro Control Centre (ICCC)-ko mikkang bilsini March jao matchotatnaba donga.
Ga·sugipa ramako taria-niba apsan obosta ong·-enga aro project-ko mat-chotatna somai dona gita chu·sokna man·kujaenga.
Aroba bilsignimangna skangon Shillong-ni ga·su-gipa ramako tariani kam ong·achim indiba ua project matchotna namen chel·engkua.
Project-ko 2024 March 31-o matchotatani ong·a-chim indiba a·jolrangona re·ange nion project mat-chotna mamingan ong·-kujaenga aro somai bang·-en nangkugen ine nikaha.
Shillong Smart City Limited-ko gimik gimang km 15.9-ko ‘‘smart roads’’ ine ga-danggni dake tariani ong·achim. Dam 18 a·jol-rang Jail Road, Bivar Road, Keating Road, Laitumkhrah Market-oni Fire Brigade-ona Beat House, Secret-ariat Hill Road gita, Keating Road aro GS Road-ona najoke, aro Rhino Point-oni Last Stop Market-ona lekkani gita ga·sugipa gamako tariani ong·gen.
Maibakai, sorkari da·alona kingking smart rama dilsakoba matchotna man·kujaenga.
Gipin project-rang jedake Smart City project-ni ning·o shopping com-plex-rangko rikanirangba matchotna namen chel·-enga indiba ua project-rangko adita salrangna skangan kamrangko a·ba-chengahachim.

spot_img
spot_img

Related articles

Chip giant Nvidia to design new AI chips every year: CEO

Shillong, May 23: Chip giant Nvidia, which reported more than $14 billion in profit for the quarter ended...

As he prepares for ‘Bhaiyya ji’ release, Manoj Bajpayee gorges on piping hot samosas in Lucknow

Shillong, May 23: Acclaimed Bollywood star Manoj Bajpayee was seen enjoying some piping hot samosas during his visit...

Prolonged sitting poses death risks akin to obesity and smoking: Doctor

Shillong, May 23: Does your occupation require you to sit for long hours? Beware, it may worsen your...

2 conmen held in UP for ‘digital arrest’ of victims

Shillong, May 23: Two men posing as officers of CBI, NIA, and Customs, who had conned a retired...