Friday, May 31, 2024
spot_img

Bike bolsako Dumper truck gari salgake a·sel ong·a

Date:

Share post:

spot_img
spot_img

Bike salgipa mandeni ja·a samsa be·a

TURA: Robibar salni 10:30 bajimango, Tura-ni Matchikol jolo, bike bolsako dumper truck gari bolsa salgake a·sel ong·taiaha aro ia a·sel ong·anio bike-ko salgipa mande bilongbee saknaanirangko man·na nangaha.

Kobor on·timgiparangni u·iatani gitade, bike-ko salgipa mandeara, Balachanda songni Rakseng M Sangma ong·achim aro ua somoio ua Tura-chipakna re·baengachim.

Tura-ni Matchikol jolona sokon uni bike-ko Garobadha-chipakna re·angskaenggipa dumper truck gari, ta·rakbee re·angenba salgakaha aro uko salgakani ja·man bike-ko adita chel·kala biaponan salchape katangaha.

Bike-ko salgipa mande, truck garichi salgakako man·e ja·a samsa bilongbee mata bu·ako man·na nangaha aro a·sel ong·ani ja·man uko Tura Civil Hospital-ona ra·angaha.

Dumper truck garini nomborara ML-08K 0925 ong·a aro ia gariko salgipa mandeara, Singimari-oni Kazimuddin minggipa mande ong·a ine kobor on·timgiparang u·iataha.

A·sel ong·ani ja·man truck garini driver, ua biaponi kataha aro ia koborko seatengmiting somoiona kingkingan uko police-rang rim·na man·kujaengachim.

Adita salrangna skangsan, Tura-ni Ballonggre joloba, me·chik bi·sa sakgnini sale re·angenggipa scooty bolsako dumper truck garian salgakahachim aro me·chik bi·sa sakgnionin saksade ja·a samsako gimaatna nangahachim.

Ia a·sel ong·ani ja·man dingtang dingtang dolrang aro Tura jillao songdongenggipa manderangba, dumper truck garirangko iandake skatang salani gimin raken jegalattokaha aro bostu salgipa garirangko salni somoiode Tura jillao napna on·jachina gita District Administration-ko didiatahachim.

Tura jillaosan ong·aigija iandake dumper truck garirangni skatang salanichi Garo Hills-ni dingtang dingtang biaprangoba bang·en a·sel ong·anirangko nikna man·ahachim.

spot_img
spot_img

Related articles

Stolen freedom of June 4, 2024

Editor, It was on March 2, 2023 that celebratory rejoicing filled the streets of Shillong. With all educational institutions...

Pakistan as villain

It’s often difficult to decipher the positions taken by Pakistani politicians vis-a-vis bilateral relations. They speak in one...

When Will the Matriarchs Crow?

By Patricia Mukhim Khasi women have grown up being told that they should not speak over men in any...

World No Tobacco Day 2024

By Dr. Caleb Harris We have witnessed a lot of action in the past few days, purportedly as...