Monday, May 27, 2024
spot_img

Mikkarang chu·onga gita waode load shedding ka·jana jotton ka·gen: Power Minister

Date:

Share post:

spot_img
spot_img

SHILLONG: Da·o dipet a·dokni Power department load shedding ka·kujaenga aro mikkarang chu·onga gita wagenchimode load shedding-ko ka·jana jotton ka·gen ine a·dokni Power Minister AT Mondal parakataha.

“Da·o dipet chinga load shedding-ko ka·kujaenga aro man·a dipet chinga load shedding-ko ka·jawa,” ine ua aganaha.

A·doko board porikkarangko maming golmal gri matchotatanian sorkarini skanggipa miksongani ong·enga ineba Power Minister parakataha.

“Porikkani somoirango bijoliko kimitna gita nangjaha aro iana chinga kusi ong·a. Gnigipao chinga election-koba bijoli kimita gri matchotatna jotton ka·aha aro iakoba chinga chu·sokatna man·aha,” ine Mondal aganaha.

Meghalaya a·doko bijoliko on·ani mongsonggipa cholan hydel power-oni ong·a aro ian mikka waanio pangchaka ineba ua aganaha.

“Re·anggipa bilsio gitan ia changoba mikkarang ja·manchakenga indiba antisa antignini gisepon mikkarang wagen ine chinga ka·dongenga. Mikkarang chu·onga gita wagenchimode chinga load shedding-ko ka·na nangjawa,” ine Power Minister aganaha.

Mondal-ni aganani gitade, a·doko bijoliko maming golmal gri on·na gita Chief Minister Conrad K Sangma-ba nangnikenga aro iano pangchake Power department kamrangko ka·enga.

Shillong-ni dingtang dingtang biaprango bijoli sirongengani gimin talataniko on·angskaengon, mikka kimpretanirangchi, bijoli line-rang chotanichi, transformer-rang kam ka·janichi, bijoli line-rango bolrang be·dapanichi, sub-station-rangko taridapanichi aro dingtang dingtang a·selrangchi bijoli sina gita nangenga ine Mondal parakataha.

“Uni gimin man·a dipet load shedding-ko ka·jana chinga jotton ka·gen. Re·anggipa bilsiode jillarango konta 7 aro songrango konta 9-mang ong·pile bijoliko kimitna nangaha indiba ia bilsiode chinga bijoliko nangani kri on·na gita jotton ka·enga,” ine Power Minister aganaha.

spot_img
spot_img

Related articles

Murder accused in police custody declared brought dead at MIMHANS

Nongpoh, May 27: A man arrested by the Ri Bhoi Police for his suspected involvement in the brutal...

India urgently needs stem cell donors to fight blood disorders, say experts

Shillong, May 27: India is urgently in need of stem cell donors to fight blood cancer that kills...

Ananya Panday’s webseries debut ‘Call Me Bae’ books September 6 release

Shillong, May 27: The streaming series ‘Call Me Bae’, which stars Ananya Panday’s series debut, has locked its...

Adani Energy Solutions to raise up to Rs 12,500 crore

Shillong, May 27: Adani Energy Solutions Ltd (AESL) on Monday said that its board has approved to raise...