Saturday, May 18, 2024
spot_img

Garo Hills-o mikkarang waanichi manderang dongtoaniko man·piltaia

Date:

Share post:

spot_img
spot_img

TURA: Batanggimin sal somoirango chaktopilgija ding·anirangko chakna nangtokahaoba Sonibar salonin mikkarang waangahani gimin Garo Hills-oba manderang adita dongtoaniko man·piltaiaha.

Garo Hills-ni bang·bata biaprangon Sonibar salonin mikkarang wana a·bachengaha aro Robibar saloba mikkarang waangkuenba manderang dongtoaniko man·piltaiaha.

Mikkarang wajani a·selan Garo Hills-ni pilak biaprangon chiring chibisikrangni tipchanganikoba nikna man·ahachim aro uandaken manderang chinaba dilna a·bachengtokahachim.

Mikkarang wajahani gimin dingtang dingtang mondolini gitaba mikkarangko pattichina gita Nokgipa Isolo jinma bi·rimanirangko dakangtokahachim.

A·chikrangni chengo dakrongbewalo pangchake, badiaba badiaba songrango Wachi tata ba Salgruakoba dakangtokaha.

Ia Wachi Tata ba Salgruara, mikkarang wajani somoio Songsarekrangni ‘Ai Rokrak Wachi Toktak’ mikkani miteo, mikkarangko waatchina bi·e kritani ong·achim.

Jensalo, mikkani mite ka·onanga, unosa iandake akal karap ong·aniko nikna gita man·ronga ine chengoni A·chik ma·gitcham pagitchamrang bebera·a aro uandaken mikkani miteko kusi ong·atna gita wak ba do·bokrangko boli on·e ia Wachi Tata ba Salguaniko dakrongachim.

Boli on·e kritani somoio songni nokni manderang pilakan wa·arango chiko ra·e boli on·chakgipa biapona re·anga aro songni kamal, boli on·mane kritaniko dakon, manderang pilakan an·tangtangni wa·ao ra·anggipa chirangko songni kamalo aro ro·ongrango rudapronga.

A·chikrangni bebera·ani gitan ia Wachi Tata ba Salgruako dakani ja·man mikkarang waangbebeaha aro manderang rang·speaniko man·piltokaha.

spot_img
spot_img

Related articles

The ‘Manthan’ restoration: Shivendra Singh Dungarpur shares the back story

New Delhi, May 18: For Shivendra Singh Dungarpur, the filmmaker and archivist credited with the restoration of Shyam...

Adhir Chowdhury on warpath over post-poll Cong relationship with Trinamool

Kolkata, May 18: West Bengal Congress President and five-time Lok Sabha member, Adhir Ranjan Chowdhury on Saturday virtually...

India’s enemies shiver now because of ‘dhaakad’ government, says PM Modi in Haryana

Ambala, May 18:  In an oblique reference to Pakistan, Prime Minister Narendra Modi on Saturday said that India's...

Trinamool is with INDIA bloc at national level: Mamata Banerjee

Kolkata, May 18:  Days after saying that the Trinamool Congress would extend “outside" support to the INDIA bloc...