ADC-rangko bon·ataniko CM nangnikjaenga

SHILLONG: A·doko Autonomous District Council-rangko bon·atchina de·e pinnikanirangko Chief Minister Conrad Sangma jegalaha.
A·dokni man·rikgipa dakbewal-rikbewalrangko chel·chak-ripinganio District Council-rangan mongsonggipa kamko ka·enga ineba chief minister a·kange aganaha.
“Administration-ni gita kam ka·anirang nanganiona sokdojani gimin uko bon·atsrangna nangani miksongani ong·ja,” ua aganaha.
Meghalaya chu·gimik bil man·gipa a·dok ong·aoni da·o bilsi sotbonga batangpiloba, Meghalaya-o da·oba ge·gittam autonomous District Council-rang dongenga ine nikna man·a.
“An·ching, ADC-rangni kamrangko ka·angkuna aro uamangni revenue man·anirangko tang·doatna nanga,” ua aganaha.
Meghalaya ge·sa full-fledged a·dok ong·ani ja·manba maina ADC dongna nangkuenga, indinsa bal-boja ong·aia ine changni chang jera ra·anirang ong·ahachim, unomitingo a·dokni jatni daka-rikanirangko ADC-rangni gimin chel·chak-ripingna man·enga ine mitamrang aganskaengachim.