SHILLONG: Ia bilsini Lok Sabha election-ko Meghalaya a·doko tom·tome matchotatna aro chu·sokatna man·ahani gimin election-o bak ong·gipa pilak dolrangkon a·dokni Chief Electoral Officer (CEO) BDR Tiwari mittelpilataha.
Meghalaya a·doko Lok Sabha election-ko tom·tome matchotatna man·ahani gimin kobor ra·timgipa manderang baksa agangrikengon, election-ko ong·atanio a·dokni pilak biaprangon so·sojengjeng ong·anirang dongjaha aro election-ko ong·attaina nanganiba dongjahani gimin kamrang namen chu·sokgipa ong·aha ine CEO parakataha.
“Lok Sabha election-ko chu·sokgipa ong·atna man·ahani gimin anga election-ni kamo bak ong·gipa sakantikon angni gisik ka·tong gimikchi mittelpilna ska. A·doko democracy-ko bilakbatatna gita manderangni mesokani aro bakrimaniko on·aninaba anga mittelna ska,” ine Tiwari aganaha.
Election a·bachengaonin niam retirangko rakkina gita rakbee kamrangko ka·ahani gimin aro nirok sandianirangko dakahani gimin a·dokni CEO, police-rangko aro ma·mongni sipai dolrangkoba mittelpilataha.
Tiwari-ni parakatani gitade, ia bilsini Lok Sabha election-o Shillong Parliamentary constituency-o manderangni pu·onani 73.78 percent aro Tura Parliamentary constituency-o 81.37 ong·e a·dok gimiko pu·onani 76.6 percent ong·aha aro ian batanggimin chang Lok Sabha election-rangona bate bang·batgipa ong·aha.
Meghalaya a·dokni Lok Sabha constituency damgnio pu·onaniko re·anggipa April-ni 19 tariko ong·atenba result-ko June 4 tariko parakatahachim.
LS election-ni kamrangko tom·tome matchotatna man·anina CEO mittelpila
Date:
Share post:
