Saturday, July 12, 2025
spot_img

Siju-oni Rongsu-ona rama jal·lang tarichina AHAM dabia

Date:

Share post:

spot_imgspot_img

TURA: South Garo Hills a·jao Rongsu A·gal songona rama jal·langrang dongjani a·selo neng·nikanirangko chagrongna nangtokenga ine songni manderang parakatani ja·man Rongsu jolo songdongenggipa manderangni namgnina Siju-oni Rongsu-ona rama jal·langrangko tarie on·china dabie A·chik Holistic Awakening Movement (AHAM) Siju regional unit, a·dokni Chief Minister Conrad K Sangma-na sedoataha.

Chief Minister-na sedoatgipa chittio AHAM Siju unit-ni parakatani gitade, Meghalaya a·dokko man·chengaonin Siju-oni Rongsu-ona rama jal·langrangko tarie on·a dongkujaengani a·sel jolo songdongenggipa manderangni salanti janggi tanganio neng·nikanirangko chagrongna nangan baksana Rongsu jolrango mamingni gitan namroro silroroaniko nikna man·kujaengachim.

“Meghalaya a·dokko man·chengaonin Siju-oni Rongsu songona namgipa rama jal·langrangko man·kujae songni manderang re·a doanirango, an·tangtangni nangchongmotgipa bosturangko salruraanio aro bading chiwalanirangoba neng·nikanirangko chagrongna nangtokenga. Rongsu jolrangona da·onan rama jal·langrang dongkujani a·sel ian a·dokni gipin biaprang baksade ma·ekatako man·a gitasa ong·kuaienga. Ia jolrango songdongenggipa manderangni da·o re·ruraenggipa cholrangba obostarang namsrangja aro wachini somoirangode ian manderangni janggirangna kenchakna nanganiba ong·enga,” ine AHAM Siju regional unit-ni dilgiparang, Chief Minister-na sedoatgipa chittio parakataha.

Rongsu jolrango songdongenggipa manderangna re·a doani cholrangko namdapatna gita Simsang chibimako RCC dolong kabate on·chinaba AHAM Siju unit didiataha.

“Siju aro Rongsu-ni gisepo Simsang chibimako RCC dolong kabate on·genchimode ian songni manderangna re·ruraanirango aro ma·manti bosturangko salruraanioba bang·en dakchakani ong·gen. Rongsu jolrango songdongenggipa manderangna da·o gita wachini somoirango Simsang chibimara namen kenna nangani ong·a, uni gimin bilsigimik songni manderang maming kennani gri songre songgabatna man·na gita Simsang chibimako RCC dolong kabate on·china chinga didienga,” ine AHAM Siju regional unit-ni dilgiparang, a·dokni Chief Minister Conrad Sangma-na sedoatgipa chittio janapataha.

spot_imgspot_img

Related articles

M’laya’s tax share surges 572% to Rs 48,883 cr in 10 years: FM

SHILLONG, July 11: Union Finance Minister Nirmala Sitharaman on Friday highlighted the significant increase in central financial support...

FM eulogises traditional Khasi wisdom

SHILLONG, July 11: Union Finance Minister Nirmala Sitharaman was all praise for the traditional wisdom of the Khasi...

Sitharaman lays base for projects worth Rs 1,400 cr

SHILLONG, July 11: Union Finance Minister Nirmala Sitharaman on Friday virtually laid the foundation for several key projects...