Friday, July 11, 2025
spot_img

Niam gitasa Tura-o IT Park rikani kamrangko ka·enga ine talata

Date:

Share post:

spot_imgspot_img

SHILLONG: Tura-ni IT Park project-ko Badri Rai & Company (BRC)-na NPP-chi dilenggipa MDA sorkari, mikkang nitee kamko on·taiaha ine Trinamool Congress (TMC)-ni dilgipa Richard Marak-ni matnangatani ja·man ia project-ni kamrangko jako ra·enggipa agency jegalatenba, ia project-ni kamrangko niamo pangchakesa ka·enga ine talataniko on·angaha.

Tura-o IT Park rikani kamrangko da·o dipet a·bachengkujaenga ineba ia agency talataniko on·angaha.

Ia project-ni bidingo talataniko on·angengon, ia project-na Prime Minister-chi nirokenggipa PM Divine project-ni ning·osa online gita tender-ko on·aha aro pilak kamrangkon niamo pangchakesa ka·enga ine ia project-ko nirokenggipa agency-ni official-rang parakataha.

PM Divine project-ni dongimin niamrango pangchakesa kamna dakkianiko ka·aha aro ma·mongni agency-rangsa tendering committee-oba bak ong·aha. Uni gimin ia project-ko on·anio maming mikkang niteani dongja,” ine Tura-o IT Park project-ni kamko jako ra·e nirokenggipa agency-ni official-rang parakataha.

Ia project-ko jako ra·e nirokenggipa agency-ni u·iatani gitade, ia kamna dakkianio damko komibate on·ahani giminsa uamang kamko man·aha aro uamang gipin dakkigiparangna kror 15 komibate dakkiahani giminsa ra·chakaha. Ia dakkianiko a·dok sorkari ong·ja indiba DoNER Ministry-sa ra·chakaha ineba ia project-ko jako ra·gipa agency-ni official-rang talataniko on·angaha.

Tura-o IT Park-ko rikna gita Development of North Eastern Region (DoNER) Ministry, gimik gong kror 126.94 tangkarangko chame on·angahachim.

Ia IT Park project-ko BRC-na on·taiahani gimin Robibar salosan TMC-ni dilgipa Richard Marak, NPP-chi dilenggipa MDA sorkariko matnangatahachim.

“Ia BRC company-an Shillong-o gital rikenggipa Meghalaya Assembly-ni protchong be·gruani aro Tura-o PA Sangma Stadium-ni pakma be·gruanioba jak donggipa company ong·a indiba chingni kobor man·soani gitade, NPP-chi dilenggipa MDA sorkari, Tura-o IT Park-ko rikna gita ia apsan company-nan kamrangko on·taiaha. Adita jarangna skang, Arunachal Pradesh a·doko Chief Minister baksa re·pagipa garioniko bang·bea tangkarangko rim·anioba ia BRC-ni dilgiparangan jak dongachim. Uni gimin ian a·dokko dilenggipa manderang aro tangka paisanamangmang chanchie kam ka·gipa company-ni gisepo nangrimaniko mesokani ong·enga,” ine Marak parakatahachim.

spot_imgspot_img

Related articles

22 Maoists, including eight females, surrender in Chhattisgarh

Raipur, July 11: In a significant development in Chhattisgarh's Narayanpur district, 22 Maoists laid down their arms on...

BJP looting land, forest, water: Rahul Gandhi at ‘save Constitution’ rally in Odisha

Bhubaneswar, July 11: Congress leader Rahul Gandhi on Friday targeted the BJP, alleging that the ruling party has...

Centre plans Rs 1,345 crore subsidy scheme to boost production of Rare Earth magnets

New Delhi, July 11: The Indian government has drawn up a scheme to offer subsidies to the tune...

We missed no targets in Pak, not even a glass pane broken in India: NSA Doval on Op Sindoor

New Delhi, July 11: National Security Advisor (NSA) Ajit Doval on Friday addressed the convocation ceremony at IIT...