Tuesday, July 16, 2024
spot_img

Education Minister-ni kosako FIR ka·china TMC, a·dok sorkariko agana

Date:

Share post:

spot_img
spot_img

SHILLONG: Adita salrangna skang ong·atanggipa Lok Sabha election-na campaign ka·engmiting somoio dolgipinni kosako ‘mitchigrikani’ kattarangko aganahani gimin a·dokni Education Minister Rakkam A Sangma-ni kosako FIR ka·china a·dokni Trinamool Congress (TMC)-ba a·dok sorkario dabiangaha.

Education Minister-ni kosako matnanganirangko daktokengon maming ja·kurangko de·jaengani giminba TMC, NPP-chi dilenggipa MDA sorkario sing·doangaha.

“Ian sorkarini kamrangko ka·jaenga gitasa ong·enga. Legislative Assembly-ni membor ong·e iandakgipa ‘mitchigrikani’ kattarangko agananiara namen kenna nangani ong·a,” ine a·dokni gitcham chief minister aro TMC parliamentary party-ni dilgipa Mukul M Sangma aganaha.

A·dokni minister ong·e Rakkam-ni agangipa kattarangara a·doko songdongenggipa jatrangni gisepo ding·chaogrikataniko ra·bana man·gipa ong·genchimoba maini gimin sorkari iani bidingo ku·rang on·jaenga ineba Sangma sing·doangaha.

“Sorkari mai ja·kurangko de·enga, iako na·simang chief minister-o sing·na nanga. Uni iandake aganprakaniko deputy commissioner-an nienba FIR ka·na nangachim,” ine ua aganaha.

A·doko tom·tomaniko rakkiangna gita nangchongmotgipa niamrangko ra·gatchinaba TMC-ni dilgipa, sorkariko aganaha.

Dingtang dingtang dilgiparangni skatang ku·watani a·sel Manipur-o dingtang dingtang jatrangni gisepo dinggrikani ong·kataha ine toe janapatengon, “Minister-ni agangipa kattarangko name nigenchimode uan a·doko so·sojengjeng ong·atani cholrang dongachim,” ine Sangma aganaha.

Meghalaya a·doko songdongenggipa Khasi aro Garorangni gisepo ding·chaogrikaniko ra·bana jotton ka·aha ine matnangenba, a·dokni Education Minister Rakkam A Sangma-ni kosako Voice of the People’s Party (VPP), Mongolbar salo FIR ka·doangahachim.

Adita salrangna skang, Lok Sabha election-na campaign ka·engmiting somoi, Meghalaya a·doko VPP bilona re·bagenchimode A·chikrangko a·rikgal jotton ka·gen ine Education Minister-ni agangipa video-ko social media-oniko niksoani ja·man Education Minister-ni kosako VPP-ni finance secretary Danny Langstieh, East Khasi Hills a·jani Superintendent of Police (SP) Sylvester Nongtnger-na FIR ka·doangaha.

spot_img
spot_img

Related articles

Ukrainian startups create low-cost robots to fight Russia

Ukraine, July 15: Struggling with manpower shortages, overwhelming odds and uneven international assistance, Ukraine hopes to find a...

National Nuggets

Man stuck inside lift for 2 days, rescued Thiruvananthapuram, July 15: A 59-year-old man was stuck in a lift...

‘Centre mulling restriction of govt schemes on couples with over 2 kids’

New Delhi, July 15: Rajasthan Minister Jhabar Singh Kharra on Monday spotlighted the impact of the burgeoning population...

3 held for waving Palestinian flag

New Delhi, July 15: Muharram processions were taken out by the Shia community across the country on Monday...