Monday, July 22, 2024
spot_img

MDA-oni ma·ekna tik ka·ani bidingo UDP MLA-rang ma·sikuja

Date:

Share post:

spot_img
spot_img

SHILLONG: National People’s Party (NPP)-chi dilenggipa Meghalaya Democratic Alliance (MDA) baksa bakrimaoni ma·ekna manchiani bidingo United Democratic Party (UDP)-ni gisepo changsaba chanchirima dongkuja ine da·o dipet iani bidingo UDP MLA-rangde maming kobor dongkuja ine parakataha.

Lok Sabha election-o chu·sokgipa ong·jahani gimin mitam dilgiparangsa MDA-oni ma·ekna chanchianirang sokbaengnaba gnang ine janapatengon, “Da·o dipet iani bidingo UDP-ni MLA-rangde ma·sia dongkuja aro party-ni gitaba apsan chanchia dongkujani gimin ian chanchichipe agananisan ong·aiakon,” ine UDP-ni MLA saksa kobor ra·timgiparangna aganaha.

UDP MLA-ni parakatani gitade, iani bidingo ua songbadrangonikosan poraimanengkua aro iandake MDA-oni ma·ekna tik ka·bebea donggenchimode MLA-rang pilakan iani bidingo ma·sitokgenchim.

UDP-ni mitam dilgiparangsa dingtang dingtang a·selrangni gimin MDA baksa bakrimanio kusi ong·jaenga indiba da·o dipet NPP baksa bakrimaniko pe·na dabianide dongkuja ineba ia MLA aganaha.

Koborrangko man·soani gitade, Shillong parliamentary constituency-o UDP, brigipa biapkosa man·rikaiahani gimin mitam dilgiparang suk ong·jae, NPP aro MDA baksa bakrimaoni ma·ekna tik ka·ahachim.

NPP-chi dilenggipa MDA baksa bakrimahani a·selsa Lok Sabha election-o chu·sokgipa ong·jaha ineba UDP-ni mitam dilgiparang matnangtokaha.

Batanggimin bilsirangonin manderang MDA sorkarini kamrango kusi ong·tokjaengani a·selsa ia Lok Sabha election-o Voice of the People’s Party (VPP)-na namgni ong·skaaha ineba UDP-ni mitam dilgiparang aganaha.

spot_img
spot_img

Related articles

Sanjay Dutt pens sweet b’day note for wife Maanayata; latter drops glimpses from celebration

Mumbai, July 22: Entrepreneur Maanayata Dutt, wife of Bollywood actor Sanjay Dutt, who turned 46 on Monday, shared...

KHADC Dy CEM visits Nongpoh office of Council

Shillong, July 22: The Deputy Chief Executive Member of the Khasi Hills Autonomous District Council (KHADC), Pynshngain N...

Lack of proper sleep could lead to brain-related problems, warn doctors

Hyderabad, July 22: People must never ignore sleep to meet deadlines, and it's never appropriate to waste time...

NEET showdown in Parliament: Akhilesh, Rahul question exam system; Education Minister responds

New Delhi, July 22: The Budget Session saw fiery exchanges on the very first day on Monday, as...