Saturday, July 20, 2024
spot_img

Tura-ni chadambe saksako Assam-ni rehab centre-o so·otgipani bidingo inquiry dakchina Conrad didiata

Date:

Share post:

spot_img
spot_img

SHILLONG: Adita salrangna skang, Tura-ni chadambe Niksamseng Ch Marak-ko Assam Goalpara-ni New Life Foundation Rehabilitation Centre-o so·otgipani bidingo inquiry dakchina didie, Meghalaya a·dokni Chief Minister Conrad K Sangma, Assam-ni Chief Minister Himanta Biswa Sarma-na sedoataha.

Iani bidingo Assam-ni Chief Minister-na sedoatengon, ia chadambeko maikai Goalpara-ni rehabilitation centre-o so·otahachim, uarangni bidingo Sangma, talatanirangko on·ataha.

Koborko on·ani gitade, Tura-ni chadambe Niksamseng Marak, Guwahati-ona re·angengmiting somoio uni ma·sigipa mande sakgniko ramao gronge, uamangba unbaksa apsan gario songrepana bi·ahani gimin uamangkoba an·tangni gario gate re·angengachim. Indake ong·genchimoba, Krishnai dolong sambaona sokon, uamangni gariko police-rang neng·takataha aro uamangko Krishnai police-rang, konta 8-mangna rim·e donaha.
Rim·e donani ja·man police-rang, kacharini maming u·iatani gri Marak-ko rehabilitation centre-ona watataha ine nokdangni manderang parakataha.

Uko police-rang July-ni 3 tariko, New Life Foundation Rehabilitation Centre-ona watataha indiba July-ni 4 tarik salni 12 aro 4 bajimangni gisepo ua ia centre-ni bathroom-o an·tangko kae siaha ine ja·mano nokdangni manderangna kobor on·ataha.

Ua an·tangko so·ote sia ine rehabilitation centre-oni u·iataniko nokdangni manderang bebera·jae, uni post mortem report-na sengon, post mortem report-oba ua an·tangko so·ote sija ine talen seataha.

Ia chadambeko saobarangsa doke siataha aro uko so·ote sia ine mesokna jotton ka·ahachim ine nokdangni manderang, FIR-o parakataha.

Ia a·selni bidingo ning·tue sandirokanirangko dakchina gitaba nokdangni manderang, FIR-o didiataha.

Koborko on·ani gitade, ia chadambeni be·enni bakrango mata bu·ani chinrang aro uni jakasini mikkango churi su·ani chinrangba dongani gimin uko saobarangsa dokaha aro churichi su·e so·otaha ine ma·sina man·aha.

Indake ong·engon so·ota man·gipa chadambeni nokdangna kakket bichalko on·na man·na gita ia a·selni bidingo ta·raken sandirokanirangko dakatchina a·dokni Chief Minister, Assam-ni CM Himanta Biswa Sarma-ko didiataha.

Ia a·selni bidingo da·o dipet police-rang, sakchet manderangko rim·aha ine nikna man·a.

spot_img
spot_img

Related articles

Mendipathar-o Pepsi plant-ko songgen

SHILLONG: Garo Hills-ni Mendipathar-o Varun Beverages Ltd-ni Pepsi plant-ko songna mol·molaniko State Cabinet, ra·chakaniko on·aha. Pepsi plant-na firm, kror...

EGH-ni Chiokgreo JJM project-ko name dakja: GHYS

Williamnagar: Ma·mongni on·gipa JJM project-ko Williamnagar, East Garo Hills-ni Chikogre-o name tarie on·jani gimin Garo Hills Youth Solidarity...

Sad waning of the reading culture

Editor, The write up published in The Shillong Times, Tura, July 16, 2024 on the dwindling of the reading...

Spoken like a Statesman

Tourism and Social Welfare Minister, Paul Lyngdoh has at last spoken like a true statesman unlike other politicians...