SHILLONG: Meghalaya-ni adka rikani aro sorkarini jotton ka·ani bilakaniona dilako man·a, 2-gipa chang Meghalaya Pineapple Festival-ko New Delhi-ni Dilli Haat-o ong·ataha, a·dokni Agriculte Minister Dr. Mazel Ampareen Lyngdoh jean Kew arosni dingtangmanchagipa dingtangtegipa bosturangko tang·doatna a·dokni ong·kanganiko bak ra·giparangna kan·dike agan-talataniko dakaha.
2024 bilsini July 12 tarikoni manianiko a·bachengataha, a·dokni arosrangko bang·a hajal nina re·bagiparangni katchae bak ra·angako nikgen. International market-rangona aro songtangni market-rangona 100 MT-ni gita a·rosrangkko gipin a·songrangona sokatana rika cho·anio aro namgnirangko man·angna kam ka·anio sorkari tangka paisarangko botenga. Sak 5,000 game ge·e cha·giparang 122%-ni gita man·gnio bang·bate man·dapna jotton ka·gipa ong·a.
Cooperative society-rangko a·dok namroroataha aro marketing center-rangko game ge·e cha·giparangko dakchakna kuliaha aro neng·nikanirangko komiatna dakchakenga. Gipin a·songona watatatniko bilakdapatna aro kam ka·aniko namdapatna kam ka·enggipa unit-rang aro partnership-rangko man·chape mikkangchi ja·ku de·anggen.
Meghalaya sorkarini Agriculture aro Farmers’ Welfare department-ni Minister Dr. Mazel Ampareen Lyngdoh, 2-gipa chang Pineapple Festival 2024-ko salgittamna joljol New Delhi-ni Dilli Haat-o ong·atao bak ra·angaha. A·dokni game ge·e cha·enggiparang aro entrepreneur-rangna economic ecosystem-ni namgnina namroroanina Meghalaya-ni on·kanggipa ong·a.
Sal 3 maniaoni Meghalaya-ni Kew Pineapple manianio arosrangko bang·a hajal re·bae nigiparang cha·e niangaha.
Festival-ni mongsonggipako aro Meghalaya a·dokni Agro-climate-o man·e cha·ani gimin aro dintangtegipa gamjinrangni dongani gimin Meghalaya sorkarini Agriculture and Farmers Wlfare Department-ni Minister Dr. Mazel Ampareen Lyngdoh aganangaha.
Sorkari rika cho·anirango tangka kror 5.63-ko botaha aro 2023-ona arosrangna dingtangmancha lak 78-ko chaman baksa working capital-o tangka kror 1.39-ko botaha ine Minister aganaha.
Lulu Groups, Abu Dhabi-ona arosrangko MT 4.36-ko a·palchina watatan baksa 100 MT-ona songtangni market sokna bang·jaengaha aro European Union market-rangona 300 MT (289.1 MT)-ni gita watatna man·aha ia chu·sokanirangko man·a namen jotton ka·aha.
Dingtangmancha ian game ge·e cha·giparangna 122%-ni gita man·gnirang baridapaniko man·aha, ian sak 300-na bate game ge·e cha·enggiparangna joljolan namgnirangko man·ataha aro Meghalaya-ni sak 5,000 game ge·e cha·giparangna indirect-o namgnirangko man·ataha.
Game ge·e cha·enggiparangni man·gniko dunagni bariatna miksongan baksa sorkari chubatgipa gadango commercial crops-na mission mode intervention-ko a·bachengataha. Ia ja·ku nde·anirango, holdi, eching, dambong, apiculture, spice, Khasi Mandarin, aros aro ugita dakgipa dingtang dingtang rokomrangko man·gopa, aro ia gimiko game ge·e cha·gipa baksa jatni dakbewalrangko gipinrangna mesokangna nambatgipa cholrang ong·a, ine ua aganaha.
“Mikkangchina niksamsoanio, Meghalaya-ni arosrangko a·gilsak gimiko niksengate bimingko bikotangna chinga on·kangaha. Ku·cholsan ong·e an·ching chu·sokatna man·gen aro mikkangchi Meghalaya-ni gama ge·ani a·bako silroroatna man·gen, ine ua aganaha.
Meghalaya Pineapple Fesstival-ni gnigipa edition-ni gittamgipa salo matchotataha, nian re·bagiparang a·songni tobatsranggipa arosrangko cha·e nian baksa re·bapilasan ong·ja indiba a·dokni jatni dakbewalrang aro doka damanirangkoba ma·siangaha, Meghalaya a·dok bilakgipa ong·e a·dokni geographaical ra·bianirangko tarianganio sorkarini jotton ka·ani baksa dal·rorona dal·roroaniko bon·ataona ra·bagipa ong·ja.
