SHILLONG: Da·aloni ja 10 sanjok Shillong-ni mong-songgipa biap Police Bazar business cum tourism centre nitodapaniko man·-anggnok jeon iano resturant baksa chon-begipa dolongkoba on·cha-patenga jean building ge-2-ko nangdimatgen. Com-mercial tower-rang songjin-mao mongsong nikseng-batgiparangoni building nokrang ong·bana tarienga aro ia project-ko re·baeang-gipa bilsini May jao matchotatgen.
Gadang 5 donggipa nok building jakra aro jaksio wing donggen aro ian ge-90-na bate dokrang, cha·ani dokrang, bi·sanirangni kal·chakramrang, art gallery, perfoming art centre, convention centre, tourism centre, neng·ta-chakram aro auditorium aro ugita dakgiparang dong-gen. Project-ko 2022 bilsini March jaonni kamko a·ba-chengataha aro Badri Rai aro Company-ni gita project-ko chu·sokatenga, ine MUDA-ni mande parakataha.
Koborko man·soanin gitade, tenant-rang jemang-an skango MTC building-k chalaienggipako kachario mamla segatani ja·man ruuta somoirangna kam-rangko ka·na man·-ning-jaha aro ian batang-gimin bilsini Septembar jaomang-mangsan ong·aha jenso-moio 60%-ni gita a·ako man·aha aro con-tractor-na on·aha. Project-ko matcho-tatna kamrangko walni somoio-san ka·na man·aia-ha aro salni somoio ua biapo garirangni re·aniko dondi-patna amjani gimin adita neng·nikanirangko contractor man·angaha.
MUDA-ni parakatani gitade, 90%-ni gita project-ni kamrang matchotang-engaha.
Ia dal·begipa project-ko oprakan baksa bilsisani gisepon gitalgipa Police Bazar-ko manderangko nikanggnok ine Urban Affairs Minister Sniawbhalang Dhar project parakataha.
