Rajabala Hr Secondary Skulo skigipani kamo niam gri rakkia ine badi ka·gipako ra·pila

TURA: West Garo Hills-ni Rajabala Higher Secondary School-o sakgni Assistant Teacher-rangko niam gri rakkiaha ine Anti Corruption Foundation of India (ACFI) a·bachengao Director of Education aro Literacy-na badi ka·ahachim uko da·o ra·pilaha.
Dolni palo uamangni State President, Abdur Rup Choudhary-chi mija re·anggipa July 11 tariko badi ka·ahachim. Ua, skigipa sakgniko tangka cha·e kamo rakkie cha·bok-rusia ine badi ka·gipao Choudhary matnangahachim.
“Rajabala Higher Secondary School-o ru·utgija somoirangna skang, sakgni Assistant Teacher-rangko rakkianiko maming talchenggija anga badi ka·ahachim. Talchenggija aro dolni gipin memborrang baksa chanchichenggija badi ka·aha. Talchenggija aro sing·cheng-sanchenggija badi ka·e gualani ong·aha aro badi ka·aniko ra·pilgnok,” Choudhary uni mijalo talate on·gipa chittio aganaha.
Tangka cha·a, cha·bok-rusia ine matnanggipa kattarang kakket ong·ja ineba, Choudhary aganaha. Ua, association-ni palo uni badi ka·gimin lekkako ra·pilna DSEL-na dorkasto gitalko on·taiaha.
Mija Sombar salo school-tangni SMC memborrangoni sakgnini dingtang badi ka·aniko man·ani giminsa uni badi ka·aniba ong·aha ine Choudhary aganaha. SMC memborrang- Rofiot Zamal aro Moslem Uddin, uamangni DSEL-na badi ka·ao Tura DSEO-o maming jak donggija Directorate gadango chugipa gadangni gita sandichina dabiahachim.