TURA: West Garo Hills a·jani Bholarbitha songo donggipa Jana Priya Higher Secondary School-ni managing committee-ko niam gri songa ine matnangatenba, iani bidingo songni manderang aro skulo poraienggipa chatro chatrirangni ma·a paarang, West Garo Hills a·jani DSEO-na badi ka·doataha.
Iani bidingo West Garo Hills a·jani DSEO-na badi ka·e sedoatengon, songni mitam manderangsa an·tangtangni man·gnina, manderangna aro skulni principal-na u·iatchenggija an·tangtang tom·enba ia SMC-ko bikotaha ine songni manderang parakataha.
Ia SMC-ko songani bidingo darangnaba u·iatanirangko on·jaha ineba songni manderang aro chatro chatrirangni ma·a paarang DSEO-na badi ka·doangaha.
Ia SMC-ko songani bidingo niam grisa SDEO-na resolution-koba on·aha ine janapatskaengon, ia SMC-ni resolution-ko ra·chakjachina aro jinma tom·aniko ong·atchengenba SMC-ko songchina, songni manderang DSEO-ko didiataha.