TURA: Juvenile Justice-ni ning·o dos dakgipa kamrangni bidingo bichalko on·anio kamrangko nambate ka·na man·na gita Sombar salo, Juvenile Justice (Care & Protection of Children) Act 2015-ni bidingo orientation program-ko Tura-ni District & Sessions Court-o ong·atangaha.
Ia program-ko West Garo Hills District Legal Services Authority (DLSA)-ni gita ong·atangaha aro ia program-ko ong·atanio, dingtang dingtang official-rang, dingtang dingtang niamrangni bidingo jinmana agan-talatanirangko on·angaha.
Ia program-ko ong·atanio, District & Sessions Judge aro DLSA-ni Chairperson AM Ripnar, Juvenile Justice (Care & Protection of Children) Act 2015-ni bidingo talataniko on·angengon, ia niamara dos dakgipa bi·sarangna simsak nirokanirangko on·na gita dongimin niam ong·a ine parakataha.
Ia program-ko ong·atanio, Dadenggre-ni Sub-Divisional Police Officer Ishan Gupta-ba jinmana aganprakangengon, dos dakgipa bi·sarangko nirok sandianio police-rangni daitorangko agan-talate on·angskaaha.
Ia orientation program-ko ong·atanio, West Garo Hills a·jani Senior Medical & Health Officer Dr Angelice A Sangma-ba jinmana aganprakengon, medical officer-rangni daitorangni gimin agan-talate on·angskaaha.
Ia program-o Ld Judicial Magistrate First Class aro Juvenile Justice Board-ni Principal Magistrate LM Rymbai-ba jinmana aganprakangengon, Juvenile Justice Board-ni kamrang aro niamrangni gimin agan-talate on·angskaaha.
Ia orientation program-ko ong·atanio dongpae jinmana aganprakanggipa gipin manderangara, District Child Protection Uni-ni Walsmi R Marak, DLSA-ni Secretary Ishana R Marak aro gipinrang ong·a.
Ia program-ko ong·atanio, ukilrang, Juvenile Justice Board-ni membor-rang, Special Juvenile Police Unit, Police officer-rang, doctor-rang aro para legal volunteer-rangba bak ra·angtokaha.
