Shillong: Shillong-o Meghalaya-oni a·dok-tangni doka damanirangko da·al Akashvani Music Concert-o mesokangaha.
Independence Day-ko gisik ra·atan baksa ma-niangaha aro an·chingni man·e cha·begipa musical heritage-ko manianggipako mejal U Soso Tham Auditorium, Shillong-o ‘Akashvani Music Concert’-ko Akashvani Shillong-ni gita ong·ataha.
Ia manianio a·doktangni artist-rang aro dolrang jemangan audience-rangko nitogipa jatni ring·ani doka damanirang baksa light music jean knatimsoeng-gipani gisikko salangaha.
A·songna on·kanggipa jemangan an·tangtangni janggitangko a·song-tangna on·kanggiparangko gisik ra·e aro mande ra·e Bateithymmai Nongrim-chi ‘Ae Mere Watan Ke Logo’ Hindi git-ko ring·angaha.
Audience-rangko an·saoatna aro uamang an·tangtangni changa sapaniko a·doktangni artist-rang mesokangaha. Balahpynhun Mawlong aro Kitkupar Nongsiej-ni gita dilenggipa Khasi Group gitrangko ring·-angaha aro Smt Silbi Passah-ni dol Jaintia group gitko ring·angaha aro Shri Gladborn Momin-ni dol Garo gitko ring·angaha.
Mingsinggipa Khasi gitrangko Shri Justine I Sun ring·angaha. Niksenggipa singer aro western music-na gisiko nanggipa Shri Donbiklang Dohling aro Ms Gwyneth Alicia Mawlong-ni band-rangchi manianiko an·sadapa-tangaha. Chief Eastern Air Command-o PVSM, AVSM Air Officer Commanding Air Marshal S P Dharkar mongsonggipa sokgipa ong·e All India Radio, Shillong-ni jotton ka·aniko uni katta aganani de·mittele aganangaha.
All India Radio-ni gitcham salrangko Shri Dharkar gisik ra·ataianiko dakangaha. Radio enter-tainment-na mongsong-gipa source ong·a aro ian an·chingni janggi tangani bako namen gamchatgipa ong·chongmota, entertain-ment-ba ong·chong, kobor-rangba ong·chong jeba ong·chong nangna namen gamchatgipa ong·a,” ine ua aganaha.
Additional Director General (A & BO) (CO – Akashvani) NEZ, Akashvani aro Doordarshan, Shri. Ashish Bhatnagar aro department-ni dingtang dingtang a·gipi official-rangni gita concert-o dongpaaha.
