Friday, May 23, 2025
spot_img

DHS-ni ning·o mikkang nitee kamo ra·a ine GSMC matnanga

Date:

Share post:

spot_imgspot_img

TURA: Directorate of Health Services (MI)-ni staff nurse contractual kamrangna ra·anio mikkang niteanirang donga ine Garoland State Movement Committee (GSMC) matnangataha.

GSMC-ni additional general secretary Edward Marak-ni parakatani gitade, DHS (MI)-ni ning·o ge 325 staff nurse contractual-ni kamrangna July-ni 8 tariko advertisement-ko on·enba July 27 tariko porikkako ra·aha aro salbrini ja·man July-ni 31 tariko, sak 1523 candidate-rangko seoke result-ko parakatahachim.

Ge 212 kamrangkode Khasi-Jaintia Hills a·jana aro ge 113 kamrangkode Garo Hills jolrangna u·iatahachim ine janapatengon, “Seoka man·gipa candidate-rangoni Khasi-Jaintia Hills a·jarangoniko sak 1393 indiba Garo Hills jolonikode sak 139 candidate-rangkosan seokaiaha. Garo Hills gimiko seoka man·gipa candidate-rangara sak 58-de West Garo Hills-o, jeon sakbongade gipin jatrang, sak 23-de East Garo Hills-o, sak 18-de South Garo Hills-o, sak 23-de North Garo Hills-o, jeon saksade gipin jat aro sak 17-de South West Garo Hills a·jao, jeon sak 11-de gipin jatrang ong·a,” ine GSMC-ni additional general secretary parakataha.

Garo Hills-na dongimin ge 113 kamrangna seoka man·gipa sak 139 candidate-rangoniko basedapangkugen ine janapatskaengon, candidate-rangko komiatangkuanichi ia kamrangko gapatna candidate-rang chu·ongjawaha ine Marak parakataha.

“Reservation policy-ko kakket aro bebeo ja·rikjaengani a·sel ian Garorangna tikatgimin bak rengsiko ra·sekani gita ong·enga aro iako chinga GSMC raken jegala. Reservation policy-ko chu·gimik mande ra·e niam gita ja·rikjaskal chinga dakgrikanggen aro chingni dakgrikaniko dontongjawa. Uni gimin iandake niam pe·aniko ta·raken nirokatchina chinga bilo ong·enggipa manderangko didiatenga,” ine GSMC-ni additional general secretary parakataha.

spot_imgspot_img

Related articles

Yunus government in Bangladesh slammed for suppressing Awami League

New York/Dhaka, May 22: Human Rights Watch, a US-based advocacy group, has severely criticised Muhammad Yunus led interim...

Relationship extends beyond trade and culture, will tackle terrorism together: UAE assures visiting Indian delegation

Abu Dhabi, May 22: The United Arab Emirates (UAE) on Thursday assured India that both countries will tackle...

Ecology conservation in NE: Cotton University, Balipara Foundation ink MoU

GUWAHATI, May 22: In a significant academic and environmental partnership, Cotton University and Balipara Foundation have signed an...

Awe-inspiring splash of species at Aaranyak’s wildlife photography exhibition on the roll

Guwahati, May 22:  As many as 46 fabulous photographs of varied species of wildlife are on display for...