SHILLONG: Meghalaya-oba Bangladesh-o gita jinma chakatna nangenga ine VPP chief Ardent Basaiawmoit-ni didia gita agangipa kattana Tourism Minister, Paul Lyngdoh raken krengchake aganaha.
“Bangladesh-o Sorkarini kosako chakatanio, uamang maidake a·songko rikdilgipa mandeni statue ba mangkrongko pe·e gala, maidake U Tirot Sing aro Tagore-ni mangkrongko pe·e galaha ua pilak obostarangkon nikrikenga. Unigisepon na·aba indakgipa obostarangko ong·atna didiasa didiode, uade nang·ni skasa,” Lyngdoh aganaha.
Meghalaya a·dokoba Bangladesh a·song gitan jinma chakatna nangenga didianiko on·ani gimin VPP-ni president Ardent Miller Basaiawmoit-ni kosako inchakaha aro politics ‘kal·engon’ dongimin arina batna nangja aro kraa gitasa aganna nanga ine National People’s Party (NPP)-ni dilgipa aro a·dokni Cabinet Minister Rakkam A Sangma salsa skango aganahachim, je a·sel obostarangon ritcha batpile manderang so·otako man·aha aro Prime Minister-an Indiaona katnape chakna nangao ga·akpilahachim.
Unomitingo, kajia golmalrangni a·sel Meghalayaona Bangladesh tourist-rangni re·baani komiaha ine Lyngdoh aganaha.
Indake ong·genchimoba s·ong a·songni obostarang ka·sinangengaha ineba ua agandapaha.
M’laya-oba B’desh-o gita dakna nange inani gimin Ardent-ni kosako Lyngdoh ding·doa
Date:
Share post:
