SHILLONG: Indian Medical Association (IMA)-ni a·songni gimik bakrango jingjengatanio bakrimpaaniko mesokna gita Meghalaya a·dokni hospital-rangba jingjengatnio bak ra·pae Sonibar salo OPD service-ko dondipate jingjengataha. Ian Kolkata-ni RG Kar Medical College and Hospital-o saksa me·chik trainee doctor-ko kal·ake so·ote galaniko jegalna jingjengataha. Indake organisation, kakket bichal ka·e on·china aro healthcare worker-rangna chelchakaniko on·china dabiangaha. Songjinmani bang·a private hospital-rang Kolkata-ni RG Kar Medical College-o trainee doctor Moumita Debnath-ko kal·ake so·ota galaniko jegalna gita Indian Medical Association (IMA) konta 24 somoina a·songo jingjengatna parakatanio chakpaaniko mesokna gita Sonibar salo OPD service-ko dondipataha.
Woodland Hospital, Bethany Hospital, Nazareth Hospital, Dr H Gordon Robert Hospital aro Super Care Hospital -rang OPD service-ko dondipataha. Uandake NEIGRIHMS-ba jingjengatanio bak ra·paaha.
Meghalaya Medical Services Association (MMSA)-ni general secretary, Dr. R Pohshem, indine aganaha, “MMSA-ni memborrang, Sonibar salo emergency medical service-ko on·aha.
Bethany Hospitals-ba uamangni Shillong, Nongpoh, Umsning aro Byrnihat jolo donggipa branch-rangni OPD service-ko chipataha. Indiba emergency aro inpatient service-kode ka·rong bewal gitan kuliangaha.
Woodland Hospital-ba Indian Medical Association (IMA) aro medical fraternity baksa chadenga ine hospital-ni medical specialist, Dr R Barman aganaha.
Uni gimin emergency services, emergency laboratory services aro indoor clinics -ko maming cham-penga gri kam ka·angaha.
Nazareth Hospital aro Dr H Gordon Robert Hospital–ba Sonibar salo OPD service-ko dondipataha.
Indake ong·engon MMSA, All India Federation of Government Doctors Association (AIFGDA)-ni Kolkata-o obosta ong·a-niko rake jegalanio bakrim-paa ine parakaha.
MMSA-ni memborrang, meja Sukrobar salo gisim badge-rangko gane Kolkata-o me·chik doctor-ko kragija dake so·ota galaniko jegalangaha. Aro kakket bichal ka·e on·china dabiaha.
Bethany Hospital-o Sukrobar salo Moumita Debnath-ko gisik ra·na gita candlelight service-ko ong·ataha.
“Dr. Moumita Debnath sagi, specialist ong·na raken jotton ka·engachim aro ua an·tangni janggiko sakgipin manderangna dangdike on·na gita mik-songani donge kamtangko ka·engachim. Ua baditan janggirangko naljokatna man·genchim indiba uni janggikon ra·sekaha.”
“Chinga Kolkata-ni doctor-rang baksa aro a·songni doctor-rangni jegalanio bakrimpaa ine Bethany Hospital-ni Dr. Kyntiewlang Sanmiet, aganaha.
