SHILLONG: United Democratic Party (UDP) MDA baksa bakrimaoni ong·katjawa indiba a·dokni silroro-namrorognina kam ka·anio ja·manchakani dongode uarangni giminde sorkarini kosako ku·rang on·gen.
Mongolbar salo koborni manderangna aganengon, UDP a·dolni dolsa gitchambatsranggipa regional party ong·a, unigimin party-ko bilakatna tikkelenga aro re·baenggipa Assembly election-ona ongipa gadangonin tarisoenga ine UDP dilgipa, Lahkmen Rymbui aganaha.
Sorkarini maiba ong·gija policy-rangko ra·gatoba ku·rang on·jawama ine sing·on, Sorkari baksa bakrimoba sorkarini ong·gija kamrangnade UDP ku·rang on·aigen ine Rymbui aganaha.
MLA-rangko kimalode UDP maidake uamangni MLA-rangko chel·chakgen ine sing·on, jeba je party-oba napna man·aia, uade uamangni skasa ine Rymbui aganchakaha.
UDP-ko Meghalaya-ni mongsonggipa party ong·atna gita rake kam ka·gen aro Khasi aro Jaintia Hills region-osan party-ko bilataigija Garo Hills-oba party-ko tangchaatna jotton ka·gen, UDP dilgipa aganaha.
