TURA: Secondary aro Higher Secondary gadangni pilak skigiparangnan Adhoc Grant-in-aid-ko on·china dabie Budbar salo, All Meghalaya Non-Adhoc Secondary & Higher Secondary School Teachers Association (AMNASHSSTA), a·dokni Chief Minister Conrad K Sangma-na memorandum-ko on·angaha.
Secondary aro Higher Secondary gadangni pilak skigiparangnan Adhoc Grant-in-aid-ko on·china Chief Minister-na sedoatgipa chittio janapatengon, da·o dipet Adhoc Grant-in-aid-ko badiaba badiaba secondary skulrango Science skigipa saksanasan ong·engpiti ine Non-Adhoc skulrango skigiparang parakataha.
Secondary gadango skigiparangnasan ong·aigija ia grant-in-aid-ko Higher Secondary gadangni skigiparangnaba on·china skigiparang, Chief Minister-ko didiataha.
Iani bidingo changni chang skigiparang sorkarina u·iatahaoba da·onan maming ja·kurangko de·kujaenga ine janapatskaengon, ia dabianiko ta·raken chu·sokate on·china skigiparang, a·dokni Chief Minister-ko didiataha.
