TURA: Meghalaya a·dok gimikni sak 1521 4th Teacher-rangnaba Adhoc Upper Primary skulrango skigiparang gitan apsan dormahako on·china aro bilsiprako 5 percent-chi dormahako bariatchina dabie Bristibar salo, All Meghalaya 4th Teachers Association (AM4thTA) Garo Hills unit-ni dilgiparang, Education department-ni Advisor HM Shangpliang-na memorandum-ko on·angaha.
Iani bidingo a·dokni Chief Minister Conrad K Sangma, Education Minister Rakkam A Sangma aro State Education Commission Committee baksa agangrikchina gitaba association-ni dilgiparang, Education department-ni Advisor-ko mol·molataha.
AM4thTA-GHU-ni vice president Tangseng Marak-ni parakatani gitade, 4th teacher-rangba ru·utbea bilsirangonin kamrangko ka·e on·engahachim indiba ia skigiparangna da·alona kingkingan sorkari, gong 18,000/- dormahakosan on·engkuachim.
“Dakchakgipa skigiparang aro 4th teacher-rang pilakan apsan poraiani gadang donge apsan kamkon ka·enggiparang ong·achim indiba 4th teacher-rangnade dormahako komibate on·engkua aro ia sal somoirango bosturangni dam namen rakengahaon gong 18,000 dormahachi nokdang chalaianiara namen neng·beani kam ong·engaha,” ine AM4thTA GHU-ni vice president parakatenba, 4th teacher-rangnaba a·dokni gipin skigiparang gitan apsan dormahako on·china a·dok sorkariko mol·molataha.
Association-ni parakatani gitade, 2010 bilsionin 4th teacher-rang gipin skigiparangna bate dormaharangko komibate man·enga maina ua somoio 4th teacher-rang gong 6000/- dormahakosan man·kuengpitichim. Uni ja·man 2017 bilsio 4th teacher-rangni dormahako 6000-oni gong 12,000-ona bariataha aro ja·mano dormahako gong 12,000-oniko gong 18,000-ona bariatahaoba gipin skigiparangde gong 20,000-na bate man·skatokaha ineba AM4thTA GHU-ni vice president parakataha.
Iani bidingo a·dokni Chief Minister Conrad K Sangma, Education Minister Rakkam A Sangma aro State Education Commission Committee baksa agangrikchina gitaba association-ni dilgiparang, Education department-ni Advisor-ko mol·molataha.
AM4thTA-GHU-ni vice president Tangseng Marak-ni parakatani gitade, 4th teacher-rangba ru·utbea bilsirangonin kamrangko ka·e on·engahachim indiba ia skigiparangna da·alona kingkingan sorkari, gong 18,000/- dormahakosan on·engkuachim.
“Dakchakgipa skigiparang aro 4th teacher-rang pilakan apsan poraiani gadang donge apsan kamkon ka·enggiparang ong·achim indiba 4th teacher-rangnade dormahako komibate on·engkua aro ia sal somoirango bosturangni dam namen rakengahaon gong 18,000 dormahachi nokdang chalaianiara namen neng·beani kam ong·engaha,” ine AM4thTA GHU-ni vice president parakatenba, 4th teacher-rangnaba a·dokni gipin skigiparang gitan apsan dormahako on·china a·dok sorkariko mol·molataha.
Association-ni parakatani gitade, 2010 bilsionin 4th teacher-rang gipin skigiparangna bate dormaharangko komibate man·enga maina ua somoio 4th teacher-rang gong 6000/- dormahakosan man·kuengpitichim. Uni ja·man 2017 bilsio 4th teacher-rangni dormahako 6000-oni gong 12,000-ona bariataha aro ja·mano dormahako gong 12,000-oniko gong 18,000-ona bariatahaoba gipin skigiparangde gong 20,000-na bate man·skatokaha ineba AM4thTA GHU-ni vice president parakataha.