Aizawl: Meghalaya Legislative Assembly-ni Deputy Speaker Shri Timothy D Shira, aro Commissioner & Secretary Dr. Andrew Simons, September 27 aro 28 tariko Mizoram, Aizawl-o ong·atgipa Commonwealth Parliamentary Conference, India Region Zone III-ni chang 21-gipa Annual Conference-o bak ra·aha.
Conference-ko Lok Sabha-ni Speaker Shri Om Birla, jean Commonwealth Parliamentary Association, India Region-ni Chairman-ba ong·a, uan a·bachengate on·aha.
Conference-o North East Region-ko India-ASEAN Vision, for Trade and Cooperation-o napatani bidingo aro Ministry of DoNer-ko NEC baksa nangdimatani gimin aro dingtang dingtang bidingrango chanchirimangaha.
Meghalaya Legislative Assembly-ni Deputy Speaker Shri Timothy D Shira, chanchibewalanio bak ra·e an·tangni kattarangko donaha.
Iandake Commissioner & Secretary Dr. Andrew Simons, CPA Region Zone III-ni chu·sokanirango tarigipa report-ko mesokangaha.
Rajya Sabha-ni Deputy Chairman Shri Harivansh Narayan Singh, Nagaland Assembly-ni Speaker aro India Region Zone-III-ni Chairman Shri Sharingain Longkumer, Mizoram Assembly-ni Speaker Shri Lalbiakzama, Mizoram-ni Chief Minister Shri Lalduhoma, aro North East a·joloni Speaker aro Deputy Speaker, Membero of Parliament (MP) aro Memebers of Legislative Assemblies (MLA)-rang conference-o bak ra·angaha.
Dy Speaker CPA India Region Zone-III-ni 21-gipa Annual Conference-o bak ra·a
Date:
Share post:
