SHILLONG: Meghalaya Legislative Assembly-ni gitcham Speaker Martin M Danggo, re·anggipa Sombar salo, Bharatiya Janata Party (BJP)-oni ong·katpilaha aro da·o ua Congress dolon napangpilani cholrang gnang.
An·tangni ong·katani chittiko BJP-ni dilgiparangna sedoatengon, ua dingtang dingtang neng·nikanirang dongani gimin BJP-oni ong·katpilenga ine Danggo parakataha.
Indake ong·engon, Danggo-ni Congress dolona re·bapilna miksongenggipani bidingo ua Congress dolni dilgiparang baksa agangrikengaha ine Congress doloni kobor on·timgiparang parakatskaaha.
Kobor on·timgiparangni u·iatani gitade, Congress dolona re·bapilna gita ua re·anggipa jaon Congress dolni dilgiparang baksa agangrikaha indiba BJP-oni ong·katani ja·mansa unbaksa iani bidingo nambate agangrikna man·gen ine Congress dolni dilgiparang una talataniko on·ataha.
MM Danggo, 2023 bilsini January jao BJP-o nape, Assembly election-o Ranikor constituency-oni susaahachim indiba ua chu·sokgipa ong·na man·jahachim.
Una skangba ua National People’s Party (NPP)-o napna gita Congress doloni ong·katahachim indiba 2023 bilsini Assembly election-na skang ua NPP-oniba ong·kate BJP-o napangskaahachim.