BAGHMARA: India a·songo songsalna kam ka·gipa Hans Charitable Trust, South Garo Hills a·jani Baghmara Civil Hospital-o Hans Renal Care Centre-ko kuliaha.
Ia centre-ko re·anggipa September 18 tarikonin kuliaha aro ia centre-o antigimik salo konta 24-na doctor-rangko man·gen aro unbaksana dialysis technician aro gipin kam ka·giparangba donga.
Ia Hans Renal Care Centre-ara ka·rongte nosto ong·gipa manderangna indin sanne banne on·gipa centre ong·a aro ian a·dokni diltubatsranggipa biaprango donge cholgri ong·gipa manderangna indin sanne banne on·enggipa centre ong·a.
Ia Hans Renal Care Centre-o palang ge·gittam donggipa dialysis unit donga aro iano Detabilator, ECG Machine, Cardiac Monitor aro uandakgipa dingtang dingtang kolrangko jakkale, manderangna sanna bananirangko on·enga.
