Nongpoh: Ri Bhoi District-ni District Sports Officer (DSO) Deputy Commissioner’s office baksa bakrime Fit India Swachhta Freedom Run 5.0-ni gita kilometer 5-ni marathon-ko Sonibar pringo ong·ataha. Man-derangni an·seng-baljo-kaniko ba be·en biming fit ong·e rakkianina didianiko on·na miksonganio ia marathon-ko ong·ataha.
Ri Shat Sngi Orchid Resort-oni marathon-ko a·bachengate Meghalaya State Fisheries Research & Traning Institute Mawpun Kshiad-o matchotataha. Indake marathon-ko Umroi constituency-ni MLA Damanbait Lamare, a·ba-chengate on·aha. District-ni Sports Officer Bobby L Nongbet aro gipin official-rangba bak ra·aha.
Uandake marathon-o bang·en manderang chadamberang aro bilsi bregiminrangba bak ra·aha.
Marathon matchotao DSO office, dingtang dingtang categories-o chegiparangna prize, trophies aro certificate-rangko suale on·angaha.
Me·asarangoni Shemlang Suba, skanggipa biapko man·aha, Monas Bongrung gnigipa aro Jemon Makri gittamgipa ong·a.Me·chikrangni category-o, Filinza Hansapi skanggipa, Julina Bongrung gnigipa aro Rinalis Ingty gittamgipa ong·aha. Bilsi bregimin ba buchuma saksa Edwina Nongrum-na special prize-ko on·aha.
