Namroro silroroani aro an·seng baljokaniko on·anian mongsonggipa daito: Mehtab Chandee
TURA: Re·baenggipa November-ni 13 tariko ong·atenggipa Gambegre by-election-o susana gita Bristibar salo, National People’s Party (NPP)-ni candidate aro a·dokni Chief Minister Conrad K Sangma-ni jikgipa Mehtab Chandee A Sangma-ba Bristibar salo, Tura DC office-ona re·ange, Returning Officer-ni mikkango an·tangni nomination lekkarangko on·angaha aro uni nomination file ka·anio, uni segipa aro a·dokni Chief Minister Conrad K Sangma baksana NPP-ni dingtang dingtang MLA-rang aro gipin dilgiparangba dongpatokaha.
An·tangni nomination lekkarangko on·angani ja·man, kobor ra·timgipa manderang baksa agangrikengon, Gambegre constituency-o namroro silroroani aro an·seng baljokaniko on·anian uni mongsonggipa daito ong·gen ine NPP-ni candidate Mehtab Chandee Sangma parakataha.
Ia by-election-o ua chena ka·dongengama ine sing·anina aganchakaniko on·angengon, “Anga chena ka·donga inede aganjawa maina election mingantian rakgipa ong·aiani gimin anga krenge susanasa nangenga. Indiba bang·a manderangan angna chakpaanirangko on·engani gimin anga chenade ka·dongaia,” ine Mehtab Chandee aganaha.
General aro by-election-ni dingtanggrikani gimin sing·anina aganchakaniko on·angskaengon, by-election-ode manderang sawa sorkariko chalaienga uko nienba, an·tangtangna nangani kri dilgipako seokna altubata ine Sangma aganaha.
Ia by-election-o ua badia party baksa susagrikbatna sienga ine sing·on, “Gambegre constituency-ara da·o Tura MP ong·enggipa Saleng A Sangma-ni ru·uta bilsirangna jako ra·gipa seat ong·a aro ia by-election-o angna Indian National Congress aro dingtang dingtang party-ni manderangba chakpaaniko on·engani gimin chinga Trinamool Congress (TMC) baksasa susagrikani ong·batange ine aganoba ia constituency-o Saleng-ni bimingba dongkuenga,” ine Mehtab Chandee aganaha.
Indake ong·engon, Gambegre constituency-ba sorkariko chalaienggipa dolchipak ong·na man·genchimode nambate agangrikna cholrangko man·e, bang·bata namgnirangko ra·na man·gen ine NPP-ni national president aro a·dokni Chief Minister Conrad K Sangma aganskaaha.
Gambegre constituency-o nangbatenggipa kamrangni gimin janapatengon, ia constituency-ni ning·o skanggipa rama jal·lang, sanna banani cholrang aro uandaken bang·a kamrangon namdapatanirangko nangenga ine Sangma aganaha.
An·tangni nomination lekkarangko on·angani ja·man, kobor ra·timgipa manderang baksa agangrikengon, Gambegre constituency-o namroro silroroani aro an·seng baljokaniko on·anian uni mongsonggipa daito ong·gen ine NPP-ni candidate Mehtab Chandee Sangma parakataha.
Ia by-election-o ua chena ka·dongengama ine sing·anina aganchakaniko on·angengon, “Anga chena ka·donga inede aganjawa maina election mingantian rakgipa ong·aiani gimin anga krenge susanasa nangenga. Indiba bang·a manderangan angna chakpaanirangko on·engani gimin anga chenade ka·dongaia,” ine Mehtab Chandee aganaha.
General aro by-election-ni dingtanggrikani gimin sing·anina aganchakaniko on·angskaengon, by-election-ode manderang sawa sorkariko chalaienga uko nienba, an·tangtangna nangani kri dilgipako seokna altubata ine Sangma aganaha.
Ia by-election-o ua badia party baksa susagrikbatna sienga ine sing·on, “Gambegre constituency-ara da·o Tura MP ong·enggipa Saleng A Sangma-ni ru·uta bilsirangna jako ra·gipa seat ong·a aro ia by-election-o angna Indian National Congress aro dingtang dingtang party-ni manderangba chakpaaniko on·engani gimin chinga Trinamool Congress (TMC) baksasa susagrikani ong·batange ine aganoba ia constituency-o Saleng-ni bimingba dongkuenga,” ine Mehtab Chandee aganaha.
Indake ong·engon, Gambegre constituency-ba sorkariko chalaienggipa dolchipak ong·na man·genchimode nambate agangrikna cholrangko man·e, bang·bata namgnirangko ra·na man·gen ine NPP-ni national president aro a·dokni Chief Minister Conrad K Sangma aganskaaha.
Gambegre constituency-o nangbatenggipa kamrangni gimin janapatengon, ia constituency-ni ning·o skanggipa rama jal·lang, sanna banani cholrang aro uandaken bang·a kamrangon namdapatanirangko nangenga ine Sangma aganaha.