ALS writers’ meet-ko ong·ata

TURA: A·chik Literature Society, Tura, NEHU-ni Garo Department, Don Bosco College Tura-ni Garo Department baksa bakrime Christian Girls’ Higher Secondary School, Tura-o Regional Writers’ Meet-ko ong·atangaha.
Programo NEHU Tura Campus, Don Bosco College, Guahati University, Tura Government College, Durama College, Mason Philips Academy, Tura Christian College, PASF Abong Noga College, ICFAI University, Loyola College, Mendipathar College aro Williamnagar Government College-rangni writers, poets, students aro teacher-rang bakko ra·angaha.
Sak 74 participant-rang short stories, biography, articles, poetry-rangko man·chape an·tangtangni changa-sapanirangko mesokangaha.
Don Bosco College Tura-ni Principal Rev. Fr. Januarius S. Sangma, jean tom·anio mongsonggipa sokachakgipa ong·e bakko ra·aha, uan chatro-chatrirangko A·chik ku·sikko namdapatna kam ka·china didiangaha.
A·chik Literature Society-ni President Prof. Caroline R. Marak, annual Meet-ko ong·atani miksonganiko talate on·angaha. A·chik ku·sikko jakkale seanirango neng·nikako chagrongani gimin iarangko maidake namdapatna man·gen iarangni gimin aganangaha.
NEHU Tura Campus-ni Prof. Fameline K. Marak, A·chik ku·sikko seaniko dal·e aro gamchate ra·china aganangaha.
Uandake Meet-o bak ra·e chegiparangna ALS-ni President Prof. Caroline R. Marak. NEHU Tura campus-ni Prof. Fameline K Marak aro Don Bosco College Tura-ni Dr. Barbara S. Sangma- uamangni jakchi certificate-rangko suale on·angaha.