SHILLONG: Meghalaya Tribal Teachers’ Association (MeTTA-NEHU), NEHUSU-ni Registrar, Col. (Retd) Omkar Singh-ni service-ko bon·atna aro NEHUTA-ni kamo rakkigipa gital sakgni Deputy Registrar-ko ra·galchina dabianiko chakpaaha.
North-Eastern Hill University-o Registrar aro Deputy Registrar-ko rakkianio so·sojengjeng ong·enggipa obostarangna suk ong·jae jajrenganiko (MeTTA-NEHU) parakaha.
Kamo gital rakkigipa officer-rang administrative procedure aro niamrangni gimin mamingkon u·ija. Uamangni kamko bang·arangan namnikgijako parakaha.
“A·dok sorkarini dingtang dingtang department-rango dangdike on·enggipa changgipa-sapgipa aro kamna kragipa candidate-rang bang·a, uamang ia post-rangna dorkastoko on·ahachim indiba uamangko ra·chakjaha ba kamo rakkijaha. Uni palo University administration-ni kamko on·tisamangba u·isranggijagipa Amit Gupta-nasa kamko on·aha. Bikosa Deputy Registrar-ni post-na rakkiaha.”
Iarangni gisepon Integrated Teacher Education Programme (ITEP), NEHU-o nakatgipa contractual post-naba bang·a qualified ba kragipa candidate-rang kamna galrikachim indiba uamangko interview-na okamjaha, je candidate-rangan kamna kraja uamangkosa rakkiaha ine Association aganaha.
“Iarangni bidingo NEHU-o so·sojengjeng ong·enggipa obostarangko nike MeTTA-NEHU, NEHUSU aro NEHUTA-ni dabianirangna chakpana parakataha.”
