SGH-ni Mahadeo songo Gram Sabha-ko ong·ata

BAGHMARA: Sorkarini ra·gate on·enggipa dingtang dingtang scheme-rangni bidingo agan-talate on·na aro songo noko manderangni neng·nikanirangko ma·sie ra·na gita Bristibar salo, Gram Sabha-ko South Garo Hills a·jani Rongara C&RD Block ning·o donggipa Mahadeo songo ong·atangaha.
Ia program-ko ong·atanio, Rongara C&RD Block-ni Block Development Officer HN Sangma aro dingtang dingtang department-ni officer-rang, sorkarini ra·gate on·enggipa dingtang dingtang scheme-rangni bidingo agan-talate on·angenba, an·tangtangni namgnina ia scheme-rangko ra·china songni manderangko didiangaha.
Ia Gram Sabha-ko ong·atanio, Aadhar-na biming segatani, voter registration aro correction, bank account kuliani, MHIS card-ko on·ani, insurance scheme-na biming segatani aro medical check-up-rangkoba songni manderangna ong·atangaha.
Ia program-ko ong·atanio sorkarini dingtang dingtang kamrang, jekai Mission Shakti, One Stop Centre, Meghalaya Right to Public Services Act, MBMA/MBDA, MSSDS, Food and Civil Supplies, Agriculture, PMAY aro uandakgipa scheme-rangni giminba songni manderangna agan-talatanirangko on·angaha.