SHILLONG: NEHU-ni chatro chatrirangni jing-jengatenggipana a·dok sorkari aro ma·mongni on·-kanganiko changsatai Education Minister Rakkam A Sangma ka·dongataniko on·angaha aro uamangni strike ka·ako dontongchina mol·molangaha.
“An·chingni Chief Minister iani bidingo chanchina tik ka·manahga aro Ministry-naba u·iataha aro niamni gita kamrangko ka·anggen. Anga ia mamlako ning·tuen ra·enga maina ian ramramgipa katta ong·ja aro chinga uamang baksa chadenga indiba iarang da·o rama chongmoton ong·enga,” ine Sangma aganaha.
University-ni academic-rang aro chatro chatrirangni an·seng-baljokanina ia jingjengataniko ra·ang-engani bidingo sakantian so·sojengjeng ong·enga, ine ua aganaha. “Chinga uamang baksa ong·enga aro sakantian gisiko nang-enga aro da·o iani bidingo Ministry jako ra·anggen aro chinga mamlani gimin knamanaha uni gimin uamang class-rangchi aro jegalaniko dontonga ong·a ong·ode namgen,” ine ua aganaha.
Chief Minister Conrad K Sangma Ministry baksa agangrikaniko dakenga aro mamlani bidingo seachiba u·iataha, ine ua aganaha. “Uni gimin iako nichak-soenga aro uamangni jingjengatgipako aro class-tangtangchi re·pila ong·ode ian nambatgipa ong·gen,” ine ua agandapangaha.
“An·seng-baljokanina aro academic-na chanchie jingjengatenggipako dontongchina anga uamangko mol·molata,” ine ua agandapangaha.
North-Eastern Hill University (NEHU) Shillong-o name kam ka·janina aro administrative-ni chu·sok-janina matnangenganio am·sandianiko dakna committee bikotgipako Bristbar salo Ministry of Education parakataha. NEHU-ni mamlao sing·sandianiko dakna sakgni membor committee-ko songaha. Committee-ko University Grants Commission (UGC)-ni gitcham Chairman Prof. DP Singh Chairman ong·e aro Assam University-ni gitcham Vice-Chancellor Prof Dilip Chandra Nath membor ong·e kam ka·anggen, ine u·iataha.
Committee sal 15-ni gisepo ong·e ja·ku de·gipa-na namnike ra·bagipa baksana report-rangko on·a ka·dongsoenga. Committee baksa chu·gimik bakrima-niko on·china aro am·san-diana dakchakpachina aro nangchongmotgipa lekkarangko on·china University-ni authority-rangna ge·etaniko on·aha.
NEHU-o jingjengenggipani bidingo am·sandina Committee-ko songa: Rakkam
Date:
Share post:
