Baghmara-o All India Cooperative Week-ko manianga

BAGHMARA: South Garo Hills a·jaoba chang 71-gipa All India Cooperative Week-ko maniangaha aro ia manianiko Budbar salo, dingtangmancha Baghmara Baptist gilja noko program-ko ong·atenba matchotataha. Ia program-ko ong·atanio dingtang dingtang cooperative-rang aro sorkari department-rangba bak ra·angtokaha.
Ia program-ko ong·atanio, South Garo Hills a·jani Deputy Commissioner R Yanthan, mongsonggipa sokgipa ong·e jinmana aganprakengon, sorkarini kajinarangko bariatanio cooperative society-rangni kamrangni gimin talate on·angenba, 2047 bilsini gisepo ma·mong sorkari, Cooperation-ni kamchi a·songo dingtanganiko ra·bana jotton ka·enga ine parakataha.
Deputy Commissioner-ni parakatani gitade, 2021 bilsini July jao Cooperative Department-ba chu·gimik chalaigipa ministry ong·aha aro ian a·doko aro a·song gimikon cooperative-ni kamrangko nirokenga.
Ia tom·anio, Cooperative Societies-ni Deputy Registrar RN Rymbai-ba dongpae jinmana aganprakangengon, Cooperative Societies-ni gamchatani bidingo talate on·angaha.
Ia program-ko ong·atanio dongpae bak ra·anggipa gipin manderangara, NABARD-ni District Development Manager Chongtham, Veterinary department-ni Dr Hinley Marak, Baghmara Cooperative Society-ni Sub-Registrar BR Marak, MBMA-ni Regional Project Manager Nitul Das, MBMA Baghmara-ni District Project Manager B Ch Marak aro gipinrang ong·a.
Ia tom·anio IVCS-ni Assistant Manager-na MBMA-ni gita tablet-rangkoba sualataha.